نیوزی لینڈ نے دوسرے ٹی ٹوئنٹی میں انگلینڈ کو بیٹنگ کی دعوت دی، جس کا انگلینڈ نے بھرپور فائدہ اٹھایا۔
انگلینڈ نے شاندار بلے بازی کا مظاہرہ کرتے ہوئے 4 وکٹوں کے نقصان پر 236 رنز بنا ڈالے۔
فل سالٹ نے جارحانہ انداز میں 85 رنز اسکور کیے جن میں 11 چوکے اور ایک چھکا شامل تھا، جبکہ ہیری بروک نے زبردست بلے بازی کرتے ہوئے 78 رنز بنائے جن میں 6 چوکے اور 5 چھکے شامل تھے۔
اختتامی اوورز میں ٹام بینٹن نے تیز رفتار اننگز کھیلتے ہوئے 29 رنز بنائے، جن میں 4 چوکے اور ایک چھکا شامل تھا۔
نیوزی لینڈ کی جانب سے کائل جیمی سن نے 2 وکٹیں حاصل کیں۔
