بھارتی کھلاڑیوں کے رویّے پر آسٹریلوی ٹیم کا طنزیہ ویڈیو، سوشل میڈیا پر وائرل

ایشیا کپ میں بھارتی کھلاڑیوں کی جانب سے پاکستانی کھلاڑیوں سے ہاتھ نہ ملانے کے واقعے پر آسٹریلوی کھلاڑیوں نے طنز کا نشانہ بنا ڈالا۔

آسٹریلوی ٹیم اور اس کے سپورٹ اسٹاف نے ’’بھارتی کرکٹرز سے کس طرح نمٹا جائے‘‘ کے عنوان سے ایک مزاحیہ ویڈیو تیار کی، جس میں بھارتی ٹیم کے رویّے پر چٹکی لی گئی۔

ویڈیو میں جوش ہیزل ووڈ، گلین میکسویل اور مچل مارش سمیت دیگر کھلاڑی شامل تھے۔ انہوں نے بھارتی کھلاڑیوں کے ہاتھ نہ ملانے کے عمل کی نقل اتارتے ہوئے مزاحیہ انداز میں ردِعمل دکھایا۔

ویڈیو اسپورٹس ویب سائٹ Kayo Sports پر شیئر کی گئی، تاہم کچھ دیر بعد اسے ہٹا دیا گیا۔ اس کے باوجود ویڈیو سوشل میڈیا پر تیزی سے وائرل ہو گئی اور مداحوں کی جانب سے دلچسپ تبصرے سامنے آ رہے ہیں۔

https://x.com/MahamFazal_/status/1978126585828982793?ref_src=twsrc%5Etfw%7Ctwcamp%5Etweetembed%7Ctwterm%5E1978126585828982793%7Ctwgr%5E636541b7542e08db4bd2947f1569e5633a5abc3c%7Ctwcon%5Es1_c10&ref_url=https%3A%2F%2Fwww.urdupoint.com%2Fdaily%2Flivenews%2F2025-10-16%2Fnews-4587100.html