اشرف ملخم
تازہ ترینتجارتی خبریں15 اکتوبر ، 2025
ایف بی آر نے انکم ٹیکس گوشوارے جمع کرانے کی تاریخ میں ایک بار پھر توسیع کر دی۔
ایف بی آر نے ٹیکس گوشوارے جمع کرانے کی تاریخ میں 16 دن کی توسیع کی ہے۔
یہ بات فیڈرل بورڈ آف ریونیو کے جاری نوٹیفکیشن میں بتائی گئی ہے۔
نوٹیفکیشن کے مطابق مالی سال 2025ء کے لیے انکم ٹیکس کے گوشوارے اب 31 اکتوبر 2025ء تک جمع کرائے جا سکتے ہیں۔
ایف بی آر کے ذرائع کے مطابق اب تک 51 لاکھ لوگوں نے ٹیکس ریٹرنز فائل کیے ہیں، جبکہ گزشتہ سال 15 اکتوبر تک 46 لاکھ افراد نے ٹیکس ریٹرنز جمع کرائے تھے۔
واضح رہے کہ اس سے قبل ایف بی آر نے انکم ٹیکس گوشوارے جمع کرانے کی تاریخ میں 30 ستمبر کو 15 دن کی توسیع کی تھی۔
ایف بی آر کی جانب سے انکم ٹیکس گوشوارے جمع کرانے کی آخری تاریخ 15 اکتوبر 2025ء تک بڑھائی گئی تھی۔
=======================
پٹرولیم مصنوعات کی قیمتوں میں کمی کا نوٹیفیکیشن جاری
ملک میں پیٹرولیم مصنوعات کی قیمتوں میں کمی کر دی گئی، وزیرِ اعظم شہباز شریف نے پیٹرولیم مصنوعات کی قیمتوں میں کمی کی منظوری دے دی۔
وزارتِ خزانہ نے پیٹرولیم مصنوعات کی قیمتوں میں کمی کا نوٹیفکیشن جاری کر دیا۔
وزارتِ خزانہ کے نوٹیفکیشن کے مطابق پیٹرول کی قیمت میں 5 روپے 66 پیسے فی لیٹر کمی کی گئی ہے جس کے بعد پیٹرول کی نئی قیمت 263 روپے 2 پیسے فی لیٹر ہو گئی۔
پیٹرولیم مصنوعات کی قیمتوں میں کمی کر دی گئی
ڈیزل کی قیمت میں 1 روپے 39 پیسے فی لیٹر کمی کی گئی ہے جس کے بعد ڈیزل کی نئی قیمت 275 روپے 41 پیسے فی لیٹر مقرر ہو گئی۔
مٹی کے تیل کی قیمت میں 3 روپے 26 پیسے فی لیٹر کمی کی گئی ہے جس کے بعد مٹی کے تیل کی نئی قیمت 181 روپے 71 پیسے فی لیٹر ہو گئی۔
پیٹرولیم مصنوعات کی قیمتوں میں رد و بدل
اسی طرح لائٹ ڈیزل آئل کی قیمت میں 2 روپے 74 پیسے فی لیٹر کمی کی گئی ہے جس کی نئی قیمت 162روپے 76 پیسے فی لیٹر مقرر ہو گئی ہے۔
وزارتِ خزانہ کے نوٹیفکیشن میں کہا گیا ہے کہ پیٹرولیم مصنوعات کی نئی قیمتوں کا اطلاق آج رات سے ہو گا۔
