اگر قسمت یاوری کرے تو معجزے آج بھی ممکن ہیں — بالکل ایسا ہی واقعہ برطانیہ کے ایک گولفر کے ساتھ پیش آیا، جو ایک مکھی کی مدد سے لمحوں میں کروڑ پتی بن گیا۔
یہ حیرت انگیز واقعہ بی ایم ڈبلیو چیمپئن شپ کے دوران پیش آیا جو گزشتہ ماہ امریکی ریاست میری لینڈ میں منعقد ہوئی۔ اس مقابلے میں برطانوی گولفر ٹومی فلیٹ ووڈ نے ایک ایسا شاٹ کھیلا جو ہول سے صرف ایک سینٹی میٹر کے فاصلے پر رک گیا۔
اسی لمحے ایک مکھی آ کر گیند پر بیٹھ گئی، جس کے ہلکے سے دباؤ نے گیند کو تھوڑا سا آگے بڑھا دیا — اور یوں وہ کپ کے اندر چلی گئی۔
یہ منظر دیکھ کر تماشائی اور خود فلیٹ ووڈ حیران رہ گئے۔ ری پلے ویڈیو میں واضح طور پر دیکھا گیا کہ گیند صرف مکھی کے بیٹھنے کے بعد ہی حرکت میں آئی۔
یوں ٹومی فلیٹ ووڈ نے اس اتفاقیہ شاٹ کے بدولت 9 لاکھ 10 ہزار امریکی ڈالر (تقریباً 25 کروڑ روپے) جیت لیے — اور یہ واقعہ گولف کی تاریخ کے سب سے انوکھے لمحوں میں شمار ہونے لگا۔
