لاہور ٹیسٹ میں پاکستان کی ٹیم دوسری اننگز میں 167 رنز پر آؤٹ ہوگئی، یوں مجموعی طور پر 276 رنز کی برتری حاصل ہوئی۔ جنوبی افریقہ کو جیت کے لیے 277 رنز کا ہدف دیا گیا ہے۔ ابھی میچ کے دو دن باقی ہیں، اس لیے نتیجہ آنے کا قوی امکان ہے۔
جنوبی افریقہ کے بولر سینوران مٹھوسامی نے شاندار کارکردگی دکھاتے ہوئے میچ میں 11 وکٹیں حاصل کیں، وہ جنوبی افریقہ کے چوتھے بولر بن گئے جنہوں نے کسی ٹیسٹ میچ میں 10 یا اس سے زائد وکٹیں حاصل کیں۔
پاکستان کی دوسری اننگز میں عبداللہ شفیق نے 41، بابر اعظم نے 42 جبکہ سعود شکیل نے 38 رنز بنائے۔
