پاکستان کے معمر ترین ٹیسٹ کرکٹر اور محمد برادران میں سب سے بڑے وزیر محمد 95 برس کی عمر میں برطانیہ میں انتقال کر گئے،22 دسمبر 1929 کو برطانوی راج میں ہندوستان کی ریاست جونا گڑھ میں پیدا ہونے والے وزیر محمد نے پاکستان کی جانب سے 20ٹیسٹ میچز میں801 رنز بنائےجن میں2 سینچریز اور 3 نصف سینچریز بھی شامل تھیں،انہوں نے ٹیسٹ کرکٹ میں 24 وکٹیں بھی اپنے نام کی تھیں،وزیر محمد نے 1954 میں اوول میں انگلینڈ کے خلاف پاکستان کی 24 رنز کی فتح میں اہم کردار ادا کرتے ہوئے ناقابل شکست 42 رنز کی یادگار اننگ کھیلی،وزیر محمد نے 1957 میں پورٹ آف اسپین میں اپنی سب سے بڑی ٹیسٹ اننگ 189 رنز کھیلتے ہوئے ویسٹ انڈیز کے 
خلاف پاکستان کی فتح میں اہم کردار ادا کیا تھا،1952 سے 1959 تک پاکستان کی نمائندگی کرنے والے وزیر محمد مزاحمتی بیٹنگ کے حوالے سے مشہور تھے،پیشے کے لحاظ سے بینکر وزیر محمد نے نیشنل بینک آف پاکستان کے لیے خدمات انجام دیں ،محمد برادران میں 5میں سے 4 نے ٹیسٹ کرکٹ میں پاکستان کی نمائندگی کا اعزاز حاصل کیاجن میں وزیر محمد حنیف، محمد مشتاق محمد اور صادق محمد شامل ہیں،ایک بھائی رئیس محمد فرسٹ کلاس کرکٹر رہے،ان کے بھتیجے شعیب محمد نے بھی ٹیسٹ کرکٹ میں پاکستان کی نمائندگی کی،وزیر محمد کے بیٹے وقار محمد بھی کرکٹ کھیلتے رہے،105 فرسٹ کلاس میچز کھیلنے والے وزیر محمد نے ڈومیسٹک کرکٹ میں کراچی وائٹس کی قیادت بھی کی تھی،دنیا کے معمر ترین ٹیسٹ کرکٹر آسٹریلیا کے 97 سالہ نیل ہاروے ہیں،وزیر محمد کی نماز جنازہ برمنگھم کی مرکزی مسجد میں ادا کی جائے گی اور تدفین مقامی قبرستان میں ہوگی ۔
