وزیراعظم محمد شہباز شریف کی افغانستان کی جانب سے پاکستان کے سرحدی علاقوں میں اشتعال انگیزی کی شدید مذمت
اشتعال انگیزی کے جواب میں بھرپور اور مؤثر کارروائی پر وزیراعظم کا پاک فوج کو خراج تحسین
“فیلڈ مارشل سید عاصم منیر کی بے باک قیادت میں پاک فوج نے افغانستان کی اشتعال انگیزی کا نا صرف بھرپور جواب دیا بلکہ ان کی متعدد چیک پوسٹس تباہ کر کے ان کو پسپائی پر مجبور کیا۔
پاکستان نے کئی مرتبہ افغانستان کو وہاں موجود فتنہ الخوارج اور فتنہ الہندوستان جیسے دہشت گرد عناصر کے بارے میں معلومات فراہم کیں ہیں، جو افغانستان کی سرزمین سے پاکستان کے خلاف کارروائیاں کر رہے ہیں، ان دہشت گرد تنظیموں کو افغانستان میں موجود عناصر کی حمایت حاصل ہے۔
پاکستان توقع رکھتا ہے کہ افغان نگران حکومت اس امر کو یقینی بنائے گی کہ اس کی سرزمین پاکستان کے خلاف دہشت گرد عناصر کے استعمال میں نہ آئے۔”
وزیراعظم
