لاڑکانہ رپورٹ محمد عاشق پٹھان
سندھ میں ذہنی صحت کی سہولیات کی فراہمی میں اہم پیش رفت۔
صوبائی وزیر صحت ڈاکٹر عذرا پیچوہو نے کہا ہے کہ عالمی یوم ذہنی صحت کے موقع پر سندھ میں پہلی بار سکھر، قمبر شہدادکوٹ اور لاڑکانہ اضلاع کے بنیادی صحت کے مراکز میں کلینیکل سائیکالوجسٹس تعینات کیے گئے ہیں تاکہ ذہنی امراض میں مبتلا مریضوں کو فوری بہتر علاج فراہم کیا جا سکے، انہوں نے شہید محترمہ بے نظیر بھٹو میڈیکل یونیورسٹی کی تیسری گریجویٹ ریسرچ کانفرنس کے موقع پر میڈیا سے گفتگو کرتے مزید کہا کہ
تحقیقی مقابلے نوجوان ڈاکٹروں کے مستقبل اور محکمہ صحت دونوں کے لیے مددگار ثابت ہوں گے، نواب شاہ میں ایچ آئی وی وائرس کے پھیلاؤ پر جاری تحقیقات کے بارے میں ان کا کہنا تھا کہ وجوہات جاننے کے لیے
سائنسی بنیادوں پر انکوائری کی جا رہی ہے، ڈاکٹر عذرا کا کہنا تھا کہ HPV ویکسین خواتین میں سروائیکل کینسر کی روک تھام کے لیے مؤثر ہے اور اس بارے میں غلط فہمیاں دور کرنے کی ضرورت ہے
