پاکستان اسٹاک ایکسچینج (پی ایس ایکس) میں کاروباری ہفتے کے پہلے روز کے آغاز پر شدید مندی کا رجحان تھا تاہم کچھ دیر بعد مارکیٹ سنبھل گئی اور منفی رجحان مثبت میں تبدیل ہوگیا۔
کاروبار کے آغاز پر بازار حصص کے 100 انڈیکس میں 1744 پوائنٹس کی کمی دیکھی گئی جس کے باعث 100 انڈیکس ایک لاکھ 67 ہزار 245 تک گرگیا۔
تاہم مارکیٹ سنبھلنے کے کچھ دیر بعد کاروبار کے دوران 100 انڈیکس میں 179پوائنٹس کا اضافہ ریکارڈ کیا گیا، جس کے بعد 100 انڈیکس ایک لاکھ 69 ہزار 169پر پہنچ گیا۔
آج اب تک کے کاروبار کے دوران 100 انڈیکس ایک لاکھ 69 ہزار 326 کی بلندی پر بھی پہنچا۔
