آسٹریلیا کے نوجوان بلے باز ہرجس سنگھ نے ایک روزہ میچ میں 314 رنز کی ناقابلِ یقین اننگز کھیل کر کرکٹ کی تاریخ میں نیا باب رقم کر دیا۔
نیو ساؤتھ ویلز پریمیئر کرکٹ ٹورنامنٹ میں ویسٹرن سبربس کی نمائندگی کرتے ہوئے، 20 سالہ ہرجس نے سڈنی کے خلاف صرف 141 گیندوں پر 35 چھکے اور 12 چوکے لگا کر ہر سمت گیند برسائی۔
یہ اننگز ون ڈے کرکٹ کی تاریخ کا سب سے بڑا انفرادی اسکور ثابت ہوئی، جس نے بھارت کے روہت شرما کا 264 رنز کا ریکارڈ بھی ماضی کا حصہ بنا دیا۔
کرکٹ کے مداحوں کے لیے ہرجس سنگھ کی یہ اننگز کسی طوفان یا آندھی سے کم نہ تھی — ان کے 258 رنز صرف باؤنڈریز سے آئے۔
انہوں نے اپنی پہلی سنچری 74 گیندوں میں مکمل کی، جب کہ دوسری اور تیسری سنچری صرف 29، 29 گیندوں پر بنائیں۔ وہ آخری اوور میں آؤٹ ہوئے، لیکن اس وقت تک ٹیم کو مضبوط بنیاد فراہم کر چکے تھے۔
ہرجس سنگھ کی غیر معمولی بلے بازی کی بدولت ویسٹرن سبربس نے 50 اوورز میں 483 رنز کا پہاڑ کھڑا کر دیا۔
