مسافروں کی زندگی خطرے میں-قابل پرواز طیارہ نہ ہونے پر سیرین ایئر کا فضائی آپریشن معطل
ہوائی جہازوں کی خراب حالت کی وجہ سے ایئر لائن آپریشن معطل ہونے سے بڑے پیمانے پر بے روزگاری کا خدشہ ہے۔
قابل پرواز طیارہ نہ ہونے پر سیرین ایئر کا فضائی آپریشن معطل
کراچی ( اسٹاف رپورٹر) قابل پرواز طیارہ نہ ہونے پر سیرین ایئر کا فضائی آپریشن معطل ،تفصیلات کے مطابق سول ایوی ایشن اتھارٹی نے سیرین ایئر کا فضائی آپریشن معطل کر دیا ہے۔سی اے اے کی جانب سے جاری نوٹیفکیشن کے مطابق ایک بھی قابل پرواز طیارہ نہ ہونے پر سیرین ایئر کا فضائی آپریشن معطل کیا گیا ہے۔ایوی ایشن نے سیرین ایئر کو ایئر آپریٹر سرٹیفکیٹ واپس کرنے کا حکم بھی دیا ہے اور کہا ہے کہ سیرین ایئر فضائی آپریشن کیلئے قواعدوضوابط میں عملدرآمد میں ناکام ہو چکی ہے۔ دوسری جانب سیرین ایئر انتظامیہ کا موقف ہے کہ ہمارا ایک جہاز سعودی عرب میں پرندہ ٹکرانے کی وجہ سے گراونڈ ہے جس پر سی اے اےسے کہا ہے سعودی عرب میں پھنسے مسافروں کو واپس لانے کی اجازت دی جائے
=======================
پاکستان میں رواں سال شدید سردی پڑنے کا امکان، ماہرین نے خبردار کردیا
پاکستان میں رواں سال شدید سردی پڑنے کا امکان، ماہرین نے خبردار کردیا
اسلام آباد(آئی این پی) ماہرین نے پاکستان میں کئی دہائیوں کی شدید سردی کا امکان ظاہر کردیا، جو نایاب موسمیاتی رجحان “لا نینا”کے باعث ہوگی۔تفصیلات کے مطابق موسمیاتی ماہرین نے خبردار کیا ہے کہ پاکستان رواں سال کئی دہائیوں کی سب سے شدید سردی کا سامنا کر سکتا ہے۔ماہرین کا کہنا ہے کہ یہ غیر معمولی سردی نایاب موسمیاتی رجحان “لا نینا (La Nina) کے باعث ہوگی۔”لا نینا کے دوران عالمی سطح پر مختلف خطوں میں انتہائی موسمی تبدیلیاں رونما ہوتی ہیں۔ آسٹریلیا میں سیلاب، مشرقی افریقہ میں قحط اور شمالی امریکا میں سخت سردیوں کے واقعات ریکارڈ کیے جا چکے ہیں۔
