ڈاؤ یونیورسٹی میں پلمو نری ری ہیب لی ٹیشن سینٹر قائم
کراچی: ڈاؤ یونیورسٹی کے زیرِ انتظام اوجھا کیمپس میں ملک میں اپنی نوعیت کا پہلا مفت پلمو نری ری ہیب لی ٹیشن سینٹر قائم کردیا گیا جس کا رسمی افتتاح وائس چانسلر پروفیسر ڈاکٹر نازلی حسین نے جمعے کی صبح اوجھا انسٹی ٹیوٹ آف چیسٹ ڈیزیز میں کیا۔ انسٹی ٹیوٹ کی پہلی منزل پرقائم کیے گئے ” ڈاکٹر سید عاشق حسین ری ہیب لی ٹیشن سینٹر” کا نام اوجھا انسٹی ٹیوٹ آف چیسٹ ڈیزیز کے سابق سربراہ ڈاکٹر سید عاشق حسین کی یاد میں رکھا گیا ہے ،درایں اثناء وائس چانسلر پروفیسر نازلی حسین نےاوجھا انسٹی ٹیوٹ آف چیسٹ ڈیزیز میں انٹرا وینس ایڈ مکسچر اینڈ کمپاؤنڈنگ فارمیسی کا بھی افتتاح کیا اس موقع پر اوجھا انسٹی ٹیوٹ آف چیسٹ ڈیزیز کے ڈائریکٹر پروفیسر افتخار احمد ،ڈپٹی ڈائریکٹر ڈاکٹر مرتضیٰ سوہو ،ڈاکٹر نیاز سومرو ، ڈاکٹر فیصل اسد،ڈاکٹر فیصل فیاض زبیری اور دیگر بھی موجود تھے پروفیسر نازلی حسین نے اس موقع پر کہا کہ ڈاؤ یونیورسٹی کی کوشش ہے کہ بہترین طبی سہولتیں مریضوں تک پہنچائی جائیں آج دو نئے مراکز کی فعالیت اسی سمت میں پیش رفت ہے پروفیسر افتخار احمد نے کہا کہ اوجھا انسٹی ٹیوٹ آف چیسٹ ڈیزیز امراض سینہ کے مریضوں کو تشخیص ،علاج اور دواؤں سمیت تمام سہولتیں مفت فراہم کرتا ہے یہاں پر ٹی بی کے مریضوں کے لیے آئی سی یو کی سہولت مفت میں دستیاب ہے جبکہ ایسی سہولت کہیں دستیاب ہی نہیں ہے
اس موقع پر وائس چانسلر کو بریفنگ میں بتایا گیا اوجھا انسٹی ٹیوٹ میں امراض سینہ کے سیکڑوں مریض آتے ہیں جو تشخیص وعلاج کے بعد مکمل صحت یابی اور بحالی کے لیے ایسے کسی مرکز کی ضرورت طویل عرصے سے محسوس کی جارہی تھی بریفنگ میں کہا گیا کہ” ری ہیب سینٹر “میں ڈاکٹر آف فز یوتھرا پی تعینات کیے گئے ہیں جو شفایاب مریضوں کو معمول کی زندگی پر واپس لانے کےلیے اپنی مہارت و صلاحیت بروئے کا ر لائیں گے، وائس چانسلر پروفیسر نازلی حسین نے اسٹیٹ آف دی آرٹ ” ری ہیب سینٹر ” کی تعریف کی
اور کہاکہ او آئی سی ڈی میں مزیدبہتری لانے اور مریضوں کے لیے سہولتوں سے آراستہ کرنے کی حوصلہ افزائی کی جائے گی اس کے لیے تجاویز مرتب کرکے دی جائیں ان تجاویز پرہرممکن طور پر عمل درآمد کیا جائے گا بعد ازاں وائس چانسلر نے ربن کاٹ کر اورتختی کی نقاب کشائی کرکے”انٹرا وینس ایڈ مکسچر اینڈ کمپاؤنڈنگ فارمیسی “کا بھی افتتاح کیا اس دوران وائس چانسلر پروفیسر نازلی حسین کو بتایا گیا کہ اس فارمیسی کے قیام کا مقصد امراض سینہ کےلیے تجویز کیے گئے فوری اثر اورقیمتی انجیکشن یہاں سے سرنج میں فراہم کیے جائیں گے 
جس سے غلط استعمال کا امکان ہی ختم ہوجائے گا وائس چانسلر پروفیسر نازلی حسین نے آئی وی ڈائی لیوشن سینٹر کے دوا فراہم کرنے کے طریقہ کے متعلق بعض سوالات کیے اور اس طریقہ کار کی تعریف کی ۔۔
