بالی ووڈ کے سپر اسٹار شاہ رخ خان پہلی بار ارب پتی کلب میں شامل ہو گئے ہیں۔ ہورون انڈیا کی 2025 کی رچ لسٹ (دولت مند شخصیات کی فہرست) کے مطابق، شاہ رخ خان اس فہرست میں سرفہرست ہیں۔
واضح رہے کہ بالی ووڈ میں تین دہائیوں سے زیادہ کے کیریئر کے دوران یہ پہلا موقع ہے جب شاہ رخ خان ارب پتی کلب میں شامل ہوئے ہیں۔ ہورون ریسرچ انسٹیٹیوٹ ہر سال یہ فہرست جاری کرتا ہے، جو بھارت کی مختلف شعبوں کی مشہور شخصیات کی دولت کا جائزہ لیتی ہے۔
اس فہرست کے مطابق، 59 سالہ شاہ رخ خان کی دولت 12,490 کروڑ روپے بتائی گئی ہے، جس کی وجہ سے وہ 2025 میں سب سے زیادہ دولت مند بالی ووڈ اسٹار بن گئے ہیں۔
فہرست میں دوسرے نمبر پر اداکارہ جوہی چاؤلہ اور ان کا خاندان ہیں، جن کی دولت 7,790 کروڑ روپے ہے۔ ریتک روشن 2,160 کروڑ روپے کے ساتھ تیسرے، جبکہ کرن جوہر اور امیتابھ بچن بالترتیب چوتھے اور پانچویں نمبر پر ہیں۔
