ڈاکٹر عاصم کی اہلیہ دائود یونیورسٹی کی وائس چانسلر پر اسلامی جمعیت طلباء کا حملہ۔۔۔۔زدوکوب کیا گیا۔۔۔۔۔
داؤد یونیورسٹی آف انجینئرنگ اینڈ ٹیکنالوجی میں ایک افسوسناک واقعہ پیش آیا، جہاں اسلامی جمعیت طلباء کے کارکنوں نے جامعہ کی وائس چانسلر پر حملہ کیا اور انہیں زدوکوب کیا۔
ترجمان داؤد یونیورسٹی کے مطابق وائس چانسلر اپنے دفتر میں معمول کے مطابق مصروف تھیں کہ اچانک جمعیت کے طلباء نے آ کر احتجاج کیا اور معاملہ ہاتھا پائی تک جا پہنچا۔ اس دوران وائس چانسلر کو تشدد کا نشانہ بنایا گیا۔
جامعہ کے ترجمان نے اس واقعے کو تعلیم دشمن عمل قرار دیتے ہوئے کہا کہ یہ حملہ نہ صرف یونیورسٹی کے وقار کو مجروح کرتا ہے بلکہ اساتذہ اور انتظامیہ کی جان کو بھی خطرے میں ڈالتا ہے۔ ترجمان نے مزید کہا کہ اس واقعے کے خلاف قانونی کارروائی کی جا رہی ہے اور ذمہ داران کو کسی صورت معاف نہیں کیا جائے گا۔
جامعہ انتظامیہ نے صوبائی حکومت اور قانون نافذ کرنے والے اداروں سے اپیل کی ہے کہ وہ ایسے عناصر کے خلاف سخت اقدامات کریں تاکہ تعلیمی اداروں کا ماحول محفوظ اور پرامن بنایا جا سکے۔
طلباء تنظیم کے اس عمل پر اساتذہ، ملازمین اور شہری حلقوں نے گہری تشویش کا اظہار کیا ہے اور امید ظاہر کی ہے کہ آئندہ اس قسم کے واقعات کی روک تھام کے لیے مؤثر اقدامات کیے جائیں گے۔۔۔۔۔۔۔
https://www.facebook.com/100087615176059/videos/pcb.771131165817382/1291047852291373
