پاکستان اسٹاک ایکسچینج (پی ایس ایکس) کی اونچی اُڑان جاری ہے۔ کاروباری ہفتے کے پہلے روز زبردست تیزی کے باعث ایک اور تاریخ رقم ہوگئی، 100 انڈیکس ایک لاکھ 63 ہزار سے تجاوز کرگیا۔
کاروبار کے دوران بازار حصص کے 100 انڈیکس میں 456 پوائنٹس کا اضافہ ریکارڈ کیا گیا، جس کے بعد 100 انڈیکس ایک لاکھ 62 ہزار 713 کی بلندی پر ہے۔
آج اب تک کے کاروبار کے دوران بینچ مارک 100 انڈیکس ایک لاکھ 63 ہزار 236 پوائنٹس کی بلند ترین سطح پر بھی پہنچا۔
