معروف اداکار ہمایوں سعید نے شوبز انڈسٹری میں نئی ٹیلنٹ کو متعارف کرانے کے لیے ایک منفرد ٹیلنٹ ہنٹ پروگرام کا آغاز کر دیا ہے، جس کے ذریعے نوجوانوں کو انٹرٹینمنٹ انڈسٹری کا حصہ بننے کا سنہری موقع فراہم کیا جا رہا ہے۔
انسٹاگرام پر جاری پیغام میں ہمایوں سعید نے بتایا کہ وہ ان تخلیقی نوجوانوں کو تلاش کر رہے ہیں جو اس شعبے میں اپنا کیریئر بنانا چاہتے ہیں۔ انہوں نے اس حوالے سے مختلف ڈپارٹمنٹس میں درکار اسامیوں کی ایک تفصیلی فہرست بھی شیئر کی۔
اس پروگرام کی خاص بات یہ ہے کہ امیدواروں کے لیے کسی تعلیمی قابلیت یا سابقہ تجربے کی شرط نہیں رکھی گئی۔ ہمایوں سعید کے مطابق کامیاب امیدواروں کو لیڈرشپ ٹریننگ دی جائے گی، جہاں ان کے عزم اور جذبے کو اولین حیثیت دی جائے گی۔
اداکار نے نوجوان گریجویٹس سمیت ہر عمر کے خواہشمندوں کو اس پروگرام میں شرکت کی دعوت دی ہے۔
ان کا یہ اقدام انٹرٹینمنٹ انڈسٹری میں نئی ٹیلنٹ کے فروغ کے لیے اہم سنگ میل قرار دیا جا رہا ہے، جو نوجوانوں کو اپنی صلاحیتیں منوانے کا عملی موقع فراہم کرے گا۔
https://www.instagram.com/p/DPCIccQjMRT/?utm_source=ig_embed&ig_rid=af6c0e7d-3be1-4a49-9728-45ccabcd090a























