“رافیل گرنے کے اشارے کی مہم میں اب اے بی ڈی ویلیئرز بھی شامل”

پاکستان کے خلاف فالس فلیگ آپریشن کی آڑ میں جنگ مسلط کرنے کی بھارتی کوشش کو چار ماہ گزر چکے ہیں، مگر اس کے نتائج بھارت کے لیے شرمندگی اور ناکامی کے سوا کچھ ثابت نہیں ہوئے۔

جنگ کے دوران بھارت نے اپنے جدید ترین سمجھے جانے والے ہتھیاروں، جیسے ففتھ جنریشن اسٹیلتھ رافیل طیارے اور جدید ایس-400 دفاعی نظام کو بھی ناکارہ کروایا، جس کے بعد عالمی سطح پر بھی اسے سبکی کا سامنا کرنا پڑ رہا ہے۔

سیاسی اور سفارتی محاذ پر مشکلات کے ساتھ ساتھ کھیلوں کے میدان میں بھی بھارتی جگ ہنسائی جاری ہے۔ پاک بھارت میچ کے دوران فاسٹ باؤلر حارث رؤف نے بھارتی تماشائیوں کی جانب سے غیر اخلاقی نعروں کے جواب میں ہاتھ سے رافیل گرنے کا اشارہ کیا۔

بعد ازاں دنیا کے مشہور فٹبالر کرسٹیانو رونالڈو نے بھی اسی طرح کا اشارہ کیا، جس پر بھارتی مداح شدید برہم ہوگئے۔ اس ویڈیو کو وفاقی وزیر داخلہ اور چیئرمین پی سی بی محسن نقوی نے بھی شیئر کیا۔

اب جنوبی افریقا کے لیجنڈری بلے باز اے بی ڈی ویلیئرز، جو “مسٹر 360” کے نام سے مشہور ہیں، کی ایک ویڈیو بھی وائرل ہورہی ہے جس میں وہ بالکل اسی انداز میں رافیل گرنے کا اشارہ کرتے دکھائی دیتے ہیں۔
https://x.com/Hash2di/status/1971414545651699808?ref_src=twsrc%5Etfw%7Ctwcamp%5Etweetembed%7Ctwterm%5E1971414545651699808%7Ctwgr%5E180dc5b99b30bd0252ef4aad30c0514fb5767d47%7Ctwcon%5Es1_c10&ref_url=https%3A%2F%2Fwww.express.pk%2Fstory%2F2780228%2Fafter-haris-rauf-and-ronaldo-ab-de-villiers-also-brought-down-rafale-2780228