پاکستان کرکٹ بورڈ (پی سی بی) کے چیئرمین محسن نقوی نے بغیر کچھ کہے سوشل میڈیا پر ایسا پیغام دیا جس نے بھارتی شائقین کے زخم پھر سے تازہ کر دیے۔
انہوں نے ایکس پر پرتگال کے عالمی شہرت یافتہ فٹبالر کرسٹیانو رونالڈو کی ایک ویڈیو شیئر کی، جس میں رونالڈو ہاتھ کے اشاروں سے جہاز کو اوپر اور پھر نیچے جاتے ہوئے دکھا رہے ہیں۔
محسن نقوی نے ویڈیو کے ساتھ کوئی کیپشن نہیں لکھا، لیکن طیارہ گرتے دکھانے والے اس منظر نے بھارتیوں کو 6 اور 7 مئی کی درمیانی شب ہونے والی فضائی جھڑپ کی یاد دلا دی، جب بھارت کے 6 جنگی جہاز (جن میں 4 رافیل بھی شامل تھے) تباہ ہوئے تھے۔
اس سے پہلے پاکستانی اسپنر سفیان مقیم بھی یہی ویڈیو انسٹاگرام اسٹوری پر لگا چکے ہیں، جس میں انہوں نے کیپشن دیا تھا: “انہیں (رونالڈو) کس نے بتایا؟” — جو بھارتیوں پر طنز کے طور پر لیا گیا۔
