
صوبائی سیکرٹری تعلیم عباس بلوچ مہمان خصوصی،وائس چانسلر ڈاکٹر محمد طفیل، رجسٹرار ،مختلف شعبہ جات کے ڈینز، ماہرین تعلیم ،والدین اور طلبہ طالبات کی کثیر تعداد شریک
میری کامیابی اساتذہ والدین کی محنت کا ثمر،ملک اور قوم کی خدمت میرا مقصد حیات،اپنی کامیابی والدین اور بھائی کے نام کرتا ہوں،جہاں زیب خان
کراچی (نعیم اختر)این ای ڈی یونیورسٹی کے سالانہ 34 ویں کانووکیشن 2025 میں سول انجینئرنگ ڈگری پروگرام میں جہاں زیب خان ولد کمال سرور نے نمایاں پوزیشن لے کر کامیابی حاصل کی صوبائی سیکرٹری ایجوکیشن سندھ عباس بلوچ مہمان خصوصی نے طلبہ طالبات میں ڈگریاں تفویض کیں این ای ڈی یونیورسٹی کے وائس چانسلر ڈاکٹر محمد طفیل، رجسٹرار، مختلف شعبہ جات کے ڈینز ،شعبہ تعلیم سے وابستہ ماہرین اور والدین کی بڑی تعداد نے شرکت کر کے طلبہ و طالبات کی حوصلہ افزائی کی اس موقع پر اپنے خطاب میں صوبائی سیکرٹری تعلیم عباس بلوچ نے طلبہ و طالبات اور والدین کو مبارکباد دیتے ہوئے کہا کہ انجینئرنگ کے شعبے میں نمایاں کامیابیاں حاصل کرنے والے طلبہ و طالبات قوم کا مستقبل ہیں جو اپنی پیشہ ورانہ صلاحیتوں کو بروئے کار

لاتے ہوئے نہ صرف ملک بلکہ بیرون ملک بھی اپنے وطن کا نام روشن کریں گے آج کا نوجوان قوم کا مستقبل ہے جس سے بڑی امیدیں وابستہ ہیں این ای ڈی یونیورسٹی کے وائس چانسلر ڈاکٹر محمد طفیل نے کہا کہ این ای ڈی یونیورسٹی ملک کا تاریخی تعلیمی ادارہ ہے جس کا شمار دنیا کی 10 ٹاپ کی انجینئرنگ یونیورسٹیوں میں ہوتا ہے یہاں سے فارغ التحصیل ہونا بڑے اعزاز کی بات ہے این ای ڈی یونیورسٹی سے پاس آؤٹ ہونے والے انجینیئرز ملک اور بیرون ملک اہم عہدوں پر فائض رہتے ہوئے

ملک و قوم کا نام روشن کر رہے ہیں انشاءاللہ آج کے فارغ التحصیل طلبہ و طالبات بھی ملک و قوم کا اسی طرح ناصرف نام روشن کریں گے بلکہ اپنے والدین کے لیے بھی فخر کا باعث بنیں گے


اس موقع پر جہاں زیب خان نے اپنی کامیابی کو اساتذہ اور والدین کی محنت کا ثمر قرار دیا اور کہا کہ انشاءاللہ وہ اپنی ڈگری سے بھرپور فائدہ اٹھاتے ہوئے ملک اور قوم کی خدمت کو اپنا شعار بنائیں گے۔یہی میرا مقصد حیات ہے میں اپنی کامیابی کو والدین اور بھائی کے نام کرتا ہوں۔























