پاکستانی اداکارہ ہانیہ عامر ان دنوں بنگلہ دیش میں ہیں اور وہاں سے اپنی نئی تصویریں اور ویڈیوز سوشل میڈیا پر شیئر کر کے ایک مرتبہ پھر مداحوں کی توجہ سمیٹ رہی ہیں۔
ہانیہ کی جانب سے پوسٹ کی گئی جھلکیوں میں انہیں مقامی پکوانوں کا مزہ لیتے، مطالعہ کرتے اور تازہ پھولوں سے اپنے بال سنوارتے دیکھا جا سکتا ہے۔ ایک اور تصویر میں وہ بنگلہ دیشی کرکٹ ٹیم کی جرسی پہن کر ٹیم کی حمایت بھی کرتی دکھائی دیں، جس نے مداحوں کو بے حد خوش کیا۔
ان کی ان تازہ پوسٹس پر شوبز شخصیات اور مداحوں نے بھرپور محبت اور دلچسپ تبصرے کیے، جبکہ کئی فنکاروں نے ہانیہ عامر کے منفرد اور دلکش انداز کی تعریف بھی کی۔
