پاکستان اسٹاک ایکسچینج (پی ایس ایکس) میں کاروباری ہفتے کے چوتھے روز بھی تیزی دیکھی جارہی ہے، جس کے باعث ایک لاکھ 57 ہزار کی حد بحال ہوگئی۔
کاروبار کے دوران بازار حصص کے 100 انڈیکس میں 1211 پوائنٹس کا اضافہ ریکارڈ کیا گیا جس کے بعد 100 انڈیکس ایک لاکھ 57 ہزار 389 پر پہنچ گیا۔
آج اب تک کے کاروبار کے دوران بینچ مارک 100 انڈیکس ایک لاکھ 57 ہزار 590 پوائنٹس کی بلندی پر پہنچا جبکہ 100 انڈیکس ایک لاکھ 56 ہزار 978 پوائنٹس کی نچلی سطح تک بھی گیا۔
