“جیو ٹی وی کا نیا ڈرامہ سانول یار پیا آج سے شروع ہوگا”

“جیو ٹی وی کے نئے ڈرامہ سانول یار پیا کے ٹیزرز کے بعد ناظرین میں کافی جوش و خروش پایا جا رہا ہے۔ اس ڈرامے کی سب سے بڑی وجہِ مقبولیت احمد علی اکبر ہیں، کیونکہ وہ ایسے اداکار ہیں جن کی موجودگی سے شائقین کی توقعات کسی بھی پروجیکٹ سے بڑھ جاتی ہیں۔ دوسری اہم وجہ اس پروجیکٹ کی شاندار ٹیم ہے۔ اسے ہاشم ندیم نے تحریر کیا ہے جبکہ دانش نواز نے ڈائریکٹ کیا ہے۔ اس ڈرامے کی مرکزی کاسٹ میں فیروز خان، درفشاں سلیم اور احمد علی اکبر شامل ہیں۔ یہ ڈرامہ آج سے شروع ہو رہا ہے اور ہر پیر اور منگل کو نشر کیا جائے گا۔”