ایشیا کپ کے سب سے بڑے میچ کا نتیجہ وہی نکلا جس کی سب کو توقع تھی۔ بھارت نے پاکستان کو 7 وکٹوں سے شکست دے دی۔ ٹاس جیت کر پہلے بیٹنگ کرتے ہوئے پاکستان کی ٹیم 9 وکٹوں کے نقصان پر 127 رنز بنا سکی، جس میں صاحبزادہ فرحان کے 40 اور شاہین آفریدی کے 33 رنز شامل تھے۔ بھارت کی جانب سے شاندار بولنگ کا مظاہرہ کرتے ہوئے کلدیپ یادو نے حسبِ روایت پاکستانی بلے بازوں کے لیے مشکلات کھڑی کیں اور 4 اوورز میں 3 وکٹیں حاصل کیں، جبکہ بُمراہ اور اکشر پٹیل نے 2، 2 کھلاڑیوں کو آؤٹ کیا۔
پاکستان کی بولنگ میں صرف صائم ایوب ہی نمایاں رہے جنہوں نے 3 وکٹیں حاصل کیں، جبکہ مین بولرز میں سے کوئی بھی وکٹ نہ لے سکا۔ بھارت کی طرف سے کپتان سوریہ کمار یادو نے ناقابلِ شکست 47 رنز بنائے اور تلک ورما نے 31 رنز کی اننگز کھیلی۔
