ایشیا کپ ٹی ٹوئنٹی ٹورنامنٹ میں آج بھی ایک میچ کھیلا جائےگا۔ ایونٹ کے پانچویں میچ میں سری لنکا اور بنگلہ دیش کی ٹیمیں مدمقابل ہوں گی۔
ابو ظبی میں شیڈول میچ شام ساڑھے سات بجے شروع ہوگا اور پی ٹی وی سپورٹس ایچ ڈی پر براہ راست دکھایا جائے گا ۔سری لنکا کاایونٹ میں یہ پہلا میچ ہے ، بنگلہ دیش نے اپنے پہلے میچ میں ہانگ کانگ کو سات وکٹوں سے ہرایا تھا ۔دونوں ٹیمیں اب تک 20مرتبہ ٹی ٹوئنٹی انٹرنیشنلز میں مدمقابل ہوئی ہیں، سری لنکا نے 12 جبکہ بنگلہ دیش نے8میچز جیتے ہیں ۔
