متحدہ عرب امارات (یو اے ای) میں ایشیا کپ 2025 کا آغاز ہو چکا ہے اور پاکستان ٹیم آج ٹورنامنٹ کا پہلا میچ عمان کے خلاف کھیلے گی۔
ایشیائی کرکٹ کی تاریخ پر نظر ڈالیں تو اب تک صرف تین ٹیمیں ہی یہ ٹائٹل اپنے نام کرنے میں کامیاب رہی ہیں: بھارت، سری لنکا اور پاکستان۔ ان میں سب سے زیادہ کامیابیاں بھارت کے حصے میں آئی ہیں، جس نے 8 مرتبہ ایشیا کپ جیتا ہے۔ سری لنکا نے 6 اور پاکستان نے 2 بار یہ ٹائٹل اپنے نام کیا۔
پاکستان نے پہلی بار 2000ء میں معین خان کی قیادت میں اور دوسری بار 2012ء میں مصباح الحق کی کپتانی میں ایشیا کپ جیتا۔ دونوں مواقع پر یہ ٹورنامنٹ 50 اوورز کے فارمیٹ میں کھیلا گیا تھا۔
2000ء میں بنگلادیش میں منعقدہ ایونٹ میں محمد یوسف کو بہترین کھلاڑی قرار دیا گیا، جبکہ 2012ء میں پاکستان نے فائنل میں میزبان بنگلادیش کو 2 رنز سے شکست دی۔ اس ٹورنامنٹ میں عمر گل سب سے کامیاب باؤلر رہے، ویرات کوہلی نے سب سے زیادہ رنز بنائے اور شکیب الحسن کو بہترین کھلاڑی کا ایوارڈ دیا گیا۔
یہ بات بھی قابل ذکر ہے کہ 2014 کے بعد سے ایشیا کپ ایک بار ون ڈے اور اگلی بار ٹی ٹوئنٹی فارمیٹ میں منعقد کیا جارہا ہے۔
