پاکستان اپنی ایشیا کپ 2025 کی مہم کا آغاز آج عمان کے خلاف دبئی اسٹیڈیم میں کرے گا، میچ شام ساڑھے 7 بجے شروع ہوگا۔
ایک معروف بین الاقوامی کرکٹ ویب سائٹ کے مطابق پاکستان کی ممکنہ پلیئنگ الیون جاری کردی گئی ہے۔ رپورٹ کے مطابق صاحبزادہ فرحان اور صائم ایوب اوپننگ کریں گے جبکہ فخر زمان تیسرے نمبر پر بیٹنگ کے لیے میدان میں اتریں گے۔
دیگر کھلاڑیوں میں کپتان سلمان علی آغا، حسن نواز، محمد حارث، محمد نواز، فہیم اشرف، شاہین آفریدی، حارث رؤف اور ابرار احمد شامل ہیں۔
یہ بھی اہم ہے کہ دبئی کی پچ کو ابوظہبی کے مقابلے میں زیادہ اسپن سازگار تصور کیا جارہا ہے، جو ٹورنامنٹ کا دوسرا وینیو ہے۔
عمان کے خلاف آج کا میچ پاکستان کے لیے نہ صرف پوائنٹس ٹیبل پر اہمیت رکھتا ہے بلکہ دبئی کی کنڈیشنز کو سمجھنے کا ایک قیمتی موقع بھی فراہم کرے گا، جو اتوار کو بھارت کے خلاف بڑے مقابلے سے قبل ٹیم کے لیے مددگار ثابت ہوگا۔
