بارش سے متاثرہ پہلے ٹی ٹوئنٹی میچ میں صرف 9 اوورز کا کھیل ممکن ہوسکا۔ جنوبی افریقہ نے پہلے بیٹنگ کرتے ہوئے 5 وکٹوں کے نقصان پر 97 رنز بنائے۔ ایڈن مارکرم نے 28، ڈیوالڈ بریوس نے 23 اور ڈونوان فریرا نے 25 رنز کی اننگز کھیلی۔
انگلینڈ کی جانب سے اوپنر فل سالٹ اور کپتان ہیری بروک بغیر کوئی رن بنائے آؤٹ ہوئے، جبکہ جوس بٹلر نے 25 رنز اسکور کیے۔ پانچ اوورز میں انگلینڈ 5 وکٹوں پر 54 رنز بنا چکا تھا کہ بارش کے باعث کھیل روکنا پڑا۔ بعد ازاں میچ دوبارہ شروع نہ ہوسکا اور ڈک ورتھ لوئس اسٹیٹن (DLS Method) کے تحت جنوبی افریقہ کو 14 رنز سے فاتح قرار دیا گیا۔
اس کامیابی کے ساتھ جنوبی افریقہ نے سیریز میں 1-0 کی برتری حاصل کرلی۔
