بالی وڈ سُپر اسٹار شاہ رخ خان کی آئندہ ریلیز ہونے والی فلم ’کنگ‘ کے سیٹ سے تصاویر اور ویڈیوز لیک ہوگئیں۔
انڈین میڈیا کے مطابق فلم ’کنگ‘ کو لے کر شاہ رخ خان کے مداحوں میں جوش و خروش پایا جاتا ہے لیکن سُپر اسٹار اور ان کے پروڈکشن ہاؤس ریڈ چلیز انٹرٹینمنٹ نے مداحوں سے اپیل کی ہے کہ وہ فلم کے سیٹ سے لیک ہونے والی تصاویر اور ویڈیوز ڈیلیٹ کر دیں۔
سوشل میڈیا پلیٹ فارمز پر فلم کے سیٹ کی تصاویر اور ویڈیوز گردش کر رہی ہیں۔ مزید مناظر کو لیک ہونے سے روکنے کیلیے شاہ رخ خان کی منیجر پوجا ددلانی اور دیگر کئی آفیشل فین پیجز مداحوں سے اپیل کر رہے ہیں کہ وہ پروجیکٹ کی رازداری کا احترام کریں۔
ایک فین پیج نے لکھا کہ ہم سب جانتے ہیں کہ ہمارے کنگ شاہ رخ خان کی اگلی جادوئی شکل دیکھنے کیلیے ہر کوئی کتنا پرجوش ہے لیکن سرپرائز کو خراب نہ کریں، براہ کرم کوئی حالیہ تصویر یا ویڈیو شیئر یا دوبارہ پوسٹ نہ کریں، آئیے ایک ساتھ سرپرائز کو برقرار رکھیں۔
پروجیکٹ کے ذریعے شاہ رخ خان کی بیٹی سہانا خان کا تھیٹر ڈیبیو ہوگا۔ فلم کی کاسٹ میں ابھیشیک بچن دشمن کا کردار ادا کریں گے۔ دپیکا پڈوکون، ارشد وارثی، ابھے ورما اور راگھو جوئل بھی کاسٹ میں شامل ہیں۔
فلم مارفلکس پکچرز اور ریڈ چلیز انٹرٹینمنٹ کی مشترکہ پروڈیوس ہے جس کی ہدایت کاری سدھارتھ آنند کریں گے۔
