دنیا کی دو مقبول ترین بیٹ اینڈ بال کھیلوں ، بیس بال اور کرکٹ ، کا ایک دلچسپ امتزاج اس وقت دیکھنے کو ملا جب بیس بال کے مشہور میدان یانکی اسٹیڈیم میں کرکٹ کے بلے سے شاٹس کھیلے گئے۔
یانکیز کے سابق ورلڈ سیریز چیمپئن نک سوئشر نے بیس بال بیٹ کو کرکٹ کے چپٹے بلے سے بدل کر یانکی اسٹیڈیم میں ایک شاندار سِکس لگا کر سب کو حیران کیا۔نک سوئشر نے سابق انگلش کرکٹر اور 2019 کے ورلڈ کپ ونر لیام پلنکٹ کو اپنے پرانے گراؤنڈ کا دورہ کرایا۔ دورے کے دوران پلنکٹ نے سوئشر کو کرکٹ کھیلنے کی دعوت دی، جہاں بیس بال اسٹار نے کرکٹ میں اپنا ہاتھ آزمایا۔شروع میں سوئشر کو مشکلات کا سامنا رہا اورایک بار وہ خود ہی گر پڑے اور گیند ان کے فیس گارڈ سے ٹکرا گئی۔ مگر اس کے بعد انہوں نے کچھ چوکے مارے ، اور آخرکار ایک چھکا بھی جڑدیا۔
