مانسہرہ (-) صوبہ بھر کی طرح ضلع مانسہرہ میں بھی انسدادِ پولیو مہم کا باقاعدہ آغاز ہوگیا ہے۔ ڈی پی او مانسہرہ شفیع اللہ گنڈا پور کی ہدایات پر ضلع بھر میں پولیو ٹیموں کے ساتھ سیکورٹی کے فول پروف انتظامات کیے گئے ہیں تاکہ مہم کو کامیابی سے ہمکنار کیا جاسکے۔
تمام پولیو ٹیموں کو سخت سیکورٹی حصار میں فیلڈ کو روانہ کیا گیا، جبکہ صبح سویرے ڈیوٹی پر تعینات پولیس افسران و جوانوں کو ضروری ہدایات بھی فراہم کی گئیں۔ اس موقع پر افسران نے واضح کیا کہ بچوں کو پولیو کے قطرے پلوانا قومی ذمہ داری ہے اور پولیس فورس اس سلسلے میں ہر ممکن تعاون فراہم کرے گی۔
ڈی پی او مانسہرہ نے تمام ایس پیز اور ڈی ایس پیز کو ہدایت کی ہے کہ وہ خود فیلڈ میں موجود رہیں اور پولیو ٹیموں کی سیکیورٹی کی براہِ راست نگرانی کریں، تاکہ کسی بھی ممکنہ ناخوشگوار واقعے سے بچا جا سکے۔ضلع میں امن و امان کے قیام کے لیے تمام داخلی و خارجی راستوں پر ناکہ بندیاں قائم اور گشت کے نظام کو مزید مؤثر بنایا گیا ہے۔
ڈی پی او مانسہرہ شفیع اللہ گنڈا پور نے اس عزم کا اظہار کیا ہے کہ انسدادِ پولیو مہم کو ہر صورت کامیاب بنایا جائے گا اور اس نیک مقصد کے حصول کے لیے پولیس ہمہ وقت پولیو ٹیموں کے ساتھ کھڑی ہے
=======================
پریس ریلیز
تورغر: انسدادِ پولیو مہم کے لیے فول پروف سیکیورٹی انتظامات
تورغر: صوبہ بھر کی طرح ضلع تورغر میں بھی انسدادِ پولیو مہم کا باقاعدہ آغاز ہوگیا ہے۔ ڈی پی او تورغر سید مختار شاہ PSP کی ہدایات پر ضلع بھر میں پولیو ٹیموں کے ساتھ سیکورٹی کے فول پروف انتظامات کیے گئے ہیں تاکہ مہم کو کامیابی سے ہمکنار کیا جا سکے۔
تمام پولیو ٹیموں کو سخت سیکورٹی حصار میں فیلڈ روانہ کیا گیا، جبکہ صبح سویرے ڈیوٹی پر تعینات پولیس افسران و جوانوں کو ضروری ہدایات فراہم کی گئیں۔ اس موقع پر افسران نے کہا کہ بچوں کو پولیو کے قطرے پلوانا قومی ذمہ داری ہے اور پولیس فورس اس سلسلے میں ہر ممکن تعاون فراہم کرے گی۔
ڈی پی او تورغر نے ایس ڈی پی اوز اور ایس ایچ اوز کو ہدایت کی ہے کہ وہ فیلڈ میں موجود رہتے ہوئے پولیو ٹیموں کی سیکیورٹی کی براہِ راست نگرانی کریں۔ ضلع میں امن و امان کے قیام کے لیے داخلی و خارجی راستوں پر ناکہ بندیاں قائم کر دی گئی ہیں اور گشت کے نظام کو مزید مؤثر بنایا گیا ہے۔
ڈی پی او تورغر نے اس عزم کا اظہار کیا ہے کہ انسدادِ پولیو مہم کو ہر صورت کامیاب بنایا جائے گا اور پولیس اس نیک مقصد کے لیے ہمہ وقت پولیو ٹیموں کے شانہ بشانہ کھڑی ہے۔
ترجمان تورغر پولیس
