خبرنامہ نمبر5904/2025
پشین29 اگست ۔ ڈپٹی کمشنر منصور احمد قاضی کی زیر صدارت 1 ستمبر 2025 سے شروع ہونے والی پولیو مہم کے حوالے سے ریڈینس میٹنگ کا انعقاد کیا گیا،میٹنگ میں ڈسٹرکٹ کوارڈینیٹر ڈاکٹر عبداللہ،آفسر این اسٹاف ڈاکٹر وحید علی زئی،پی،ای،آئی،این اسٹاف ڈاکٹر محمد زمان جمالی،سی،سی،او منور خان کاکڑ اور پولیو سیکورٹی سپروائزر صابر افغان و دیگر متعلقہ اداروں کے سربراہان نے شرکت کی۔ضلعی کوآرڈینیٹر ڈاکٹر عبداللہ نے پولیو مہم کی تیاریوں کے حوالے سے تفصیلی بریفنگ دی،ڈپٹی کمشنر قاضی منصور نے تمام تر تیاریوں پر نظر ثانی کرنے کے بعد پولیو فرنٹ لائن ورکرز کو مناسب اور بروقت سیکیورٹی فراہم کرنے،تحصیل کی سطح پر میٹنگز کے انعقاد اور تمام متعلقہ محکموں کے نمائندوں کو پولیو مہم کامیاب بنانے کیلئے تمام تر دستیاب وسائل بروئے کار لانے کے احکامات صادر فرمائے،تاکہ انسداد پولیو مہم کے دوران کوئی بچہ حفاظتی قطرے پینے سے رہ نہ جائے۔
﴾﴿﴾﴿﴾﴿
خبرنامہ نمبر5905/2025
کیچ29اگست ۔ ڈپٹی کمشنر کیچ کے ایک اعلامیہ کے مطابق خیر بخش ولد وش دل سکنہ تحصیل ہوشاپ ضلع کیچ اور بشیر احمد ولد یوسف سکنہ زرین بھگ تحصیل و ضلع کیچ کے لوکل سرٹیفیکیٹ انکی اپنی درخواست پر منسوخ کردیے گئے ہیں۔
﴾﴿﴾﴿﴾﴿
کوئیٹہ ۔ 29 اگست
سیکرٹری مواصلات و تعمیرات لعل جان جعفر کے زیر صدارت بلوچستان سوشیو اکنامک ڈیویلپمنٹ پراجیکٹس کے روڈ سیکٹر فیز ون پر پیش رفت کا جائزہ اجلاس منعقد ہوا اجلاس میں پراجیکٹ کوآرڈینیٹر بلوچستان سوشیو اکنامک ڈیویلپمنٹ پراجیکٹس شہزاد حسن جعفر چیف انجینئر خضدار زون خلیل الرحمٰن اچکزئی چیف انجینئر لورالائی ژوب زون قاضی نور الحق کے علاؤہ خضدار اور لورالائی ژوب زون کے انجینئرز آفیسران نے شرکت کی اجلاس کو روڈ سیکٹر فیز ون کے تمام ترقیاتی منصوبوں پر پیش رفت سے متعلق تفصیلی بریفنگ دی گئی اجلاس سے خطاب کرتے ہوئے سیکرٹری مواصلات و تعمیرات لعل جان جعفر نے کہا کہ جاری ترقیاتی منصوبوں کو اپنے مالی سال کے اندر وقت مقررہ سے بھی پہلے مکمل کرنا محکمہ مواصلات و تعمیرات کی اولین ترجیح ہے انہوں نے کہا کہ صوبے کے دور دراز اور پسماندہ علاقوں میں ان منصوبوں کی تکمیل سے یہ علاقے ترقی اور خوشحالی کی جانب گامزن ہونگے ان علاقوں کا رابطہ آسانی سے شہروں کے ساتھ ہوگا جسکا فاہدہ ان علاقوں میں رہنے والے تمام مکتبہ فکر کے افراد کو ہوگا سیکرٹری مواصلات و تعمیرات نے کہا کہ صوبے میں انفراسٹرکچر کی بہتری اور ترقیاتی منصوبوں کی بروقت تکمیل کی بدولت صوبے میں ترقی اور خوشحالی آہیگی سیکرٹری مواصلات و تعمیرات نے مذید کہا کہ صوبے کے دور افتادہ علاقوں کو ان منصوبوں کے ثمرات جلد از جلد میسر ہونگے
