خبرنامہ نمبر5890/2025
لورالائی29اگست۔ کمشنر لورالائی ڈویژن ولی محمد بڑیچ نے چار روزہ انسدادِ پولیو مہم کا باضابطہ افتتاح کرتے ہوئے ٹیچنگ ہسپتال لورالائی میں بچے کو انسداد پولیو کے قطرے پلا کر مہم کا آغاز کیا۔ اس موقع پر ڈی ایچ او ڈاکٹر عبدالحلیم اتمان خیل،ڈپٹی ڈی ایچ او ڈاکٹر شاہ زمان حمزہ زئی ، ڈاکٹر احسان اللہ غلزئی، ڈاکٹر ناصر کھیتران سمیت محکمہ صحت کے دیگر افسران اور انسدادِ پولیو مہم سے وابستہ اسٹاف بھی موجود تھے۔افتتاحی تقریب کے دوران بات چیت کرتے ہوئے انہوں نے کہا کہ پولیو ایک خطرناک اور اپاہج کر دینے والی بیماری ہے، جس سے بچاو صرف پولیو کے دو قطروں سے ممکن ہے۔ انہوں نے والدین پر زور دیا کہ وہ اپنی قومی و انسانی ذمہ داری نبھاتے ہوئے ہر مہم میں اپنے بچوں کو پولیو سے بچاو¿ کے قطرے ضرور پلائیں تاکہ ان کا مستقبل محفوظ رہے اور پاکستان جلد از جلد پولیو فری ملکوں کی فہرست میں شامل ہو۔کمشنر نے بعد ازاں ہسپتال کے مختلف شعبہ جات کا تفصیلی معائنہ کیا، جن میں ایمرجنسی، حفاظتی ٹیکہ جات مرکز، سی ٹی اسکین روم سمیت دیگر وارڈز شامل تھے۔
انہوں نے وہاں مریضوں کو دی جانے والی طبی سہولیات کا جائزہ لیا اور اسٹاف کو ہدایات دیں کہ صحت کے شعبے میں شفافیت اور خدمت کا معیار ہر حال میں برقرار رکھا جائے۔ان کا کہنا تھا کہ صحت کا شعبہ کسی بھی معاشرے کی ریڑھ کی ہڈی کی حیثیت رکھتا ہے اور حکومتِ بلوچستان اس کی بہتری کے لیے ہمہ وقت کوشاں ہے۔کمشنر لورالائی کی جانب سے پولیو مہم کے افتتاح اور صحت کی سہولیات کا جائزہ ایک خوش آئند قدم قرار دیا جا رہا ہے، جس سے نہ صرف عوام کا اعتماد بحال ہوگا بلکہ انسدادِ پولیو جیسے اہم قومی مشن میں مزید جان ڈالے گی۔
﴾﴿﴾﴿﴾﴿
خبرنامہ نمبر5888/2025
گوادر/اورماڑہ: 29اگست ۔رکن صوبائی اسمبلی مولانا ہدایت الرحمان بلوچ نے اورماڑہ کے عوامی مسائل کے حل اور فلاحی منصوبوں کے جائزے کے لیے دورہ کیا۔ اس دوران انہوں نے مختلف علاقوں میں عوامی اجتماعات، کھلی کچہریوں اور ترقیاتی منصوبوں کا جائزہ لیا۔مولانا ہدایت الرحمان بلوچ نے ضلعی افسران کے ہمراہ اورماڑہ میں ایک کھلی کچہری منعقد کی جس میں مختلف محکموں کے افسران، عوامی نمائندے، ماہی گیر رہنما، صحافی، سیاسی و سماجی شخصیات اور شہریوں کی بڑی تعداد شریک ہوئی۔ عوام نے پانی، بجلی، صحت، صفائی، منشیات کے پھیلاو¿ اور ٹرالرز و جگہ مافیا جیسے مسائل اجاگر کیے جن پر رکن صوبائی اسمبلی نے متعلقہ افسران کو فوری اقدامات کی ہدایت کی اور عوام کو یقین دلایا کہ مسائل ترجیحی بنیادوں پر حل کیے جائیں گے۔اس موقع پر مولانا نے اورماڑہ کے دیہی علاقے بل میں ڈسٹرکٹ ہیلتھ آفیسر ڈاکٹر عبداللطیف دشتی اور پی پی ایچ آئی کے مانیٹرنگ اینڈ ایولوشن افیسر صابر حیاتان کے ہمراہ ایک نئے بنیادی مرکز صحت کا افتتاح کیا۔ اسی طرح تاک اور بل میں مختلف اسکولوں کا دورہ کرکے تعلیمی سرگرمیوں کا جائزہ لیا اور اساتذہ و طلبہ سے ملاقات کی۔ اورماڑہ شہر میں ڈسٹرکٹ ایجوکیشن آفیسر زاہد بلوچ کے ہمراہ بوائز و گرلز ہائی اسکولز کا بھی معائنہ کیا اور تعلیمی سہولیات کے مسائل دریافت کیے۔ترقیاتی منصوبوں کے حوالے سے مولانا نے اورماڑہ شہر میں مکمل ہونے والی 2 کلومیٹر طویل بلیک ٹاپ انٹرنل سڑک کا افتتاح کیا اور متعلقہ محکمے کو شولڈرز کی فوری تکمیل کی ہدایت دی۔ انہوں نے اورماڑہ فٹبال اسٹیڈیم کا بھی دورہ کیا اور کھیلوں کی سرگرمیوں کو مزید فعال بنانے سے متعلق تجاویز سنیں۔عوامی رابطہ مہم کے دوران رکن صوبائی اسمبلی نے اورماڑہ پبلک لائبریری، کلب اور اورماڑہ پریس کلب کا بھی دورہ کیا، جہاں انہوں نے مقامی لوگوں سے ملاقات کرکے ان کے مسائل سنے اور پریس کلب کے نئے منتخب عہدیداران کو مبارکباد پیش کی۔ اس موقع پر انہوں نے اورماڑہ پریس کلب کے لیے 2 لاکھ روپے کی گرانٹ کا اعلان کیا۔عوامی دلچسپی کو مدِنظر رکھتے ہوئے مولانا ہدایت الرحمان بلوچ نے فٹبال کے شائقین کے لیے ایک بڑے فٹبال ٹورنامنٹ کے انعقاد کا اعلان بھی کیا۔
﴾﴿﴾﴿﴾﴿
خبرنامہ نمبر5889/2025
لورا لائی :29, اگست ،۔ کمشنر لورالائی ڈویژن ولی محمد بڑیچ نے لورالائی شہر میں بڑھتی ہوئی ٹریفک کے مسائل کا نوٹس لینے کےلئے گزشتہ روز مورخہ 28 اگست کو اچانک لورالائی شہر کا دورہ کیا اور مختلف شاہراہوں بلخصوص ژوب روڈ اور تحصیل روڈ پر ٹریفک مسائل کا جائزہ لیا۔ ان کے ہمراہ ڈی آئی جی لورالائی رینج جنید احمد ، چیف آ فیسر میونسپل کمیٹی محیب اللہ بلوچ و دیگر متعلقہ حکام بھی موجود تھے۔چیف آفیسر میونسپل کمیٹی لورالائی محب اللہ خان بلوچ نے ٹریفک مسائل پر موقعہ پر بریفنگ دی۔ اور ٹریفک جام کی وجوہات بتائیں۔ کمشنر لورا لائی ڈویژن نے ہدایات جاری کیں کہ ژوب روڈ اور تحصیل روڈ پر کسی بھی صورت ٹریفک کی روانی میں خلل ڈالنے کی اجازت نہیں دی جاسکتی۔ تاجر حضرات اپنی دوکانوں کے باہر بے جا پارکنگ اور ریڑیاں کھڑی کرنے سے گریز کریں۔ شہر میں کم از کم ایک روڈ کار فری زون ہو اور ایک ایریا کم از کم کار فری زون ہوں۔ ون وے ٹریفک زون دوبارہ سے تعین کئے جائیں۔ شہریوں کو پابند کرنے کے لئے میونسپل کمیٹی شہر کے مختلف روڈ پر پیلے رنگ کی لائن لگائیں۔ روڈ پر موجود ناکارہ بریکر فوری طور پر ٹھیک کروائے جائیں۔ ڈی آئی جی پولیس جنید احمد نے اس موقع پر کہا کہ ہیومن ریسورس کی کمی کے باوجود وہ اس بات کو یقینی بنائے گی کہ پولیس کی ضروری نفری ٹریفک کنٹرول کرنے کے لئیے تعینات کی جائے۔ غلط پارکنگ اور ون وے پر ٹریفک بند کیا جائے۔
﴾﴿﴾﴿﴾﴿
خبرنامہ نمبر5890/2025
لورالائی29اگست۔ کمشنر لورالائی ڈویژن ولی محمد بڑیچ نے چار روزہ انسدادِ پولیو مہم کا باضابطہ افتتاح کرتے ہوئے ٹیچنگ ہسپتال لورالائی میں بچے کو انسداد پولیو کے قطرے پلا کر مہم کا آغاز کیا۔ اس موقع پر ڈی ایچ او ڈاکٹر عبدالحلیم اتمان خیل،ڈپٹی ڈی ایچ او ڈاکٹر شاہ زمان حمزہ زئی ، ڈاکٹر احسان اللہ غلزئی، ڈاکٹر ناصر کھیتران سمیت محکمہ صحت کے دیگر افسران اور انسدادِ پولیو مہم سے وابستہ اسٹاف بھی موجود تھے۔افتتاحی تقریب کے دوران بات چیت کرتے ہوئے انہوں نے کہا کہ پولیو ایک خطرناک اور اپاہج کر دینے والی بیماری ہے، جس سے بچاو صرف پولیو کے دو قطروں سے ممکن ہے۔ انہوں نے والدین پر زور دیا کہ وہ اپنی قومی و انسانی ذمہ داری نبھاتے ہوئے ہر مہم میں اپنے بچوں کو پولیو سے بچاو¿ کے قطرے ضرور پلائیں تاکہ ان کا مستقبل محفوظ رہے اور پاکستان جلد از جلد پولیو فری ملکوں کی فہرست میں شامل ہو۔کمشنر نے بعد ازاں ہسپتال کے مختلف شعبہ جات کا تفصیلی معائنہ کیا، جن میں ایمرجنسی، حفاظتی ٹیکہ جات مرکز، سی ٹی اسکین روم سمیت دیگر وارڈز شامل تھے۔ انہوں نے وہاں مریضوں کو دی جانے والی طبی سہولیات کا جائزہ لیا اور اسٹاف کو ہدایات دیں کہ صحت کے شعبے میں شفافیت اور خدمت کا معیار ہر حال میں برقرار رکھا جائے۔ان کا کہنا تھا کہ صحت کا شعبہ کسی بھی معاشرے کی ریڑھ کی ہڈی کی حیثیت رکھتا ہے اور حکومتِ بلوچستان اس کی بہتری کے لیے ہمہ وقت کوشاں ہے۔کمشنر لورالائی کی جانب سے پولیو مہم کے افتتاح اور صحت کی سہولیات کا جائزہ ایک خوش آئند قدم قرار دیا جا رہا ہے، جس سے نہ صرف عوام کا اعتماد بحال ہوگا بلکہ انسدادِ پولیو جیسے اہم قومی مشن میں مزید جان ڈالے گی۔
﴾﴿﴾﴿﴾﴿
خبرنامہ نمبر5891/2025
نصیرآباد29اگست ۔کمشنر نصیر آباد ڈویژن صلاح الدین نورزئی نے کہا ہے کہ ڈویژنل ہیڈ کوارٹر ڈیرہ مراد جمالی کے اہم روڈز پر صفائی ستھرائی اور شجر کاری کے حوالے سے عملی طور پر اقدامات کیے جائیں میونسپل کمیٹی، زراعت اور محکمہ جنگلات اس حوالے سے افرادی قوت سے شہر کی خوبصورتی کے لیے کام لیں۔ ڈپٹی کمشنر آفس تا کمشنر آفس، سول ہسپتال روڈ پر صفائی ستھرائی اور شجرکاری سمیت پھول پودے لگانے کا عمل جاری رکھا جائے۔ چیف آفیسر میونسپل کمیٹی تمام امور کی خود نگرانی کریں گے۔اسی تسلسل کو جاری رکھ کر شہر کے تمام روڈز کی خوبصورتی کے لیے عملی طور پر اقدامات کیے جائیں گے۔ ان خیالات کا اظہار انہوں نے میونسپل کمیٹی، زراعت اور محکمہ جنگلات کے آفیسران کو احکامات دیتے ہوئے کیا۔ اس موقع پر چیف آفیسر میونسپل کمیٹی سلیم خان ڈومکی، زراعت آفیسر مقبول احمد ساسولی اور محکمہ جنگلات سے محمد آصف کاکڑ موجود تھے۔ کمشنر صلاح الدین نورزئی نے کہا کہ ہماری بھرپور کوشش ہوگی کہ شہر کے مختلف روڈز پر بالترتیب اسی قسم کے اقدامات کیے جائیں۔ اس حوالے سے میونسپل کمیٹی کے ساتھ ساتھ محکمہ جنگلات اور محکمہ زراعت اپنا مثبت کردار ادا کریں گے۔ شہر ہم سب کا ہے، اسے زیادہ سے زیادہ خوبصورت بنانا ہماری اولین ترجیحات کا حصہ ہے۔ محکمہ جنگلات اور محکمہ زراعت دفاترز کے سامنے کیاریاں بنا کر ان میں مختلف قسم کے پھول اور درخت لگائیں اور ان کی آبیاری کرنا بھی انہی کی ذمہ داری ہے، جبکہ تمام روڈز کی صفائی ستھرائی کے لیے میونسپل کمیٹی اپنا کردار ادا کرے گی۔ ڈی سی آفس تا کمشنر آفس روڈ کو ایک ماڈل کے طور پر خوبصورت بنایا جا رہا ہے، اسی طرز پر دیگر روڈز پر کام جاری رکھا جائے گا۔ کمشنر صلاح الدین نورزئی نے کہا کہ شہروں کی خوبصورتی کے لیے ڈویڑن بھر کے تمام ڈپٹی کمشنرز کو بھی ہدایات دی گئی ہیں کہ وہ اسی ترتیب کے ساتھ اپنے ڈسٹرکٹ ہیڈز کے روڈز کی صفائی ستھرائی اور پودے لگانے کا عمل جاری رکھیں۔
﴾﴿﴾﴿﴾﴿
خبرنامہ نمبر5892/2025
اسلام آبا د29اگست ۔چین اور پاکستان کے درمیان قدرتی آفات کے انتباہی نظام پر مشترکہ سمپوزیم منعقد ہوا ڈی جی بی سی ایس اے ڈاکٹر حفیظ جمالی نے اہم نکات اجاگر کیے ۔ ڈاکٹر حفیظ جمالی نے آفات کے خطرات کم کرنے کے لیے سرکاری اداروں کے پیشگی اقدامات پر زور دیا اور بلوچستان کے تجربات اور چیلنجز سے شرکا کو آگاہ کیا نیشنل ڈیزاسٹرمنیجمنٹ اتھارٹی کے انتظام (این ڈی ایم اے) کی دعوت پر ڈائریکٹر جنرل بلوچستان سول سروسز اکیڈیمی (بی سی ایس اے) نے اسلام آباد میں منعقدہ “چین-پاک سمپوزیم برائے ڈیزاسٹر رسک مینجمنٹ کے انتباہی نظام” میں شرکت کی۔ این ڈی ایم اے کے ذیلی ادارے نیشنل انسٹی ٹیوٹ آف ڈیزاسٹر مینجمنٹ (این آئی ڈی ایم) کے زیرِ اہتمام 27 اور 28 اگست کو ہونے والی اس دو روزہ کانفرنس میں پاکستان اور چین کے سینئر اسکالرز شامل ہوئے۔ ڈاکٹر حفیظ جمالی نے زور دے کر کہا کہ آفات کے ا?نے سے پہلے عوام کی ماحولیاتی، سماجی اور معاشی کمزوریوں کو کم کرنے کے لیے سرکاری اداروں کو پیشگی اقدامات کرنے چاہئیں۔ انہوں نے بلوچستان کی خشک سالی، سیلاب اور زلزلوں سے نمٹنے کے تجربات پر روشنی ڈالی اور وفاقی اور صوبائی سطح پر ڈیزاسٹر رسک ریڈکشن (ڈی آر آر) میں موجود خامیوں کی طرف توجہ دلائی۔ انہوں نے اس بات کی یقین دیانی بھی کرائی کہ ہمیشہ کی طرح بی سی ایس اے این آئی ڈی ایم کے تعاون سے سرکاری ملازمین میں قدرتی آفات سے متعلق آگاہی پیدا کرنے اور انھیں قدرتی آفات سے مستعدی سے نمٹنے کی تربیت فراہم کرنے کے لیے اپنا کردار ادا کرتا رہے گا۔
﴾﴿﴾﴿﴾﴿
