امریکی ریاست ایریزونا کے پینال کاؤنٹی میں ایک شدید اور قیامت خیز گرد و غبار کا طوفان آیا، جس نے آسمان کو گہرے دھول کے بادلوں سے ڈھانپ دیا۔
امریکی محکمہ موسمیات (نیشنل ویدر سروس) کے مطابق یہ طوفان ایک عام موسمی مظہر ’ہبوب‘ (Haboob) تھا، جو جنوب مغربی امریکہ میں گرمیوں کے دوران مون سون کے اثرات سے پیدا ہوتا ہے۔
ماہرین کے مطابق یہ طوفان تب جنم لیتا ہے جب گرج چمک والے بادل زمین کی جانب تیز ہوائیں بھیجتے ہیں، جو صحرا کی خشک ریت کو اوپر اٹھا کر دھول کے بادل تشکیل دیتے ہیں۔ یہ دھول بادل کئی میل تک پھیل جاتے ہیں، جس کے نتیجے میں حدِ نگاہ شدید متاثر ہوتی ہے۔
حکام نے شہریوں اور ڈرائیورز کو خبردار کیا ہے کہ حدِ نگاہ میں کمی کی صورت میں سڑک کنارے گاڑی روک کر احتیاط اختیار کریں تاکہ ممکنہ حادثات سے بچا جا سکے۔
