شکیب الحسن نے ٹی ٹوئنٹی کرکٹ میں تاریخی ریکارڈ قائم کر دیا

بنگلہ دیشی آل راؤنڈر شکیب الحسن نے ٹی ٹوئنٹی کرکٹ میں ایک نیا تاریخی سنگِ میل عبور کیا ہے۔

تفصیلات کے مطابق شکیب الحسن اب ٹی ٹوئنٹی کرکٹ میں 500 وکٹیں حاصل کرنے والے پانچویں بولر بن گئے ہیں۔
https://x.com/CPL/status/1959668881779507222?ref_src=twsrc%5Etfw%7Ctwcamp%5Etweetembed%7Ctwterm%5E1959668881779507222%7Ctwgr%5E885facbab815e015ff6e50dc0d1e81928f8653fb%7Ctwcon%5Es1_c10&ref_url=https%3A%2F%2Fwww.express.pk%2Fstory%2F2775588%2Fshakib-al-hasan-creates-history-in-t20-cricket-2775588

یہ کارنامہ انہوں نے سی پی ایل میں انٹیگا اینڈ باربوڈا فالکنز کی نمائندگی کرتے ہوئے سینٹ کٹس اینڈ نیوس پیٹریاٹس کے خلاف میچ میں محمد رضوان کی وکٹ حاصل کر کے انجام دیا۔ میچ میں انہوں نے مزید دو وکٹیں حاصل کیں، جس کے بعد ان کی مجموعی وکٹوں کی تعداد 502 ہو گئی ہے۔

اسی کارنامے کے ساتھ شکیب الحسن وہ پہلے کھلاڑی بن گئے ہیں جنہوں نے ٹی ٹوئنٹی کرکٹ میں 7000 رنز بنانے اور 500 وکٹیں حاصل کرنے کا سنگِ میل حاصل کیا ہے۔

واضح رہے کہ ٹی ٹوئنٹی کرکٹ میں سب سے زیادہ وکٹیں افغانستان کے راشد خان کے پاس ہیں جن کی تعداد 660 ہے۔ اس کے علاوہ ویسٹ انڈیز کے ڈوین براوو نے 631، سنیل نارائن نے 590 اور عمران طاہر نے 554 وکٹیں حاصل کی ہیں۔