واٹس ایپ نے آئی فون صارفین کے لیے اسٹیٹس اپ ڈیٹ کرنے کا نیا فیچر متعارف کروا دیا

مقبول میسجنگ ایپ واٹس ایپ نے آئی فون صارفین کے لیے اسٹیٹس سے متعلق ایک نیا اور آسان فیچر متعارف کروا دیا ہے۔

میڈیا رپورٹس کے مطابق نئی اپ ڈیٹ کے ذریعے صارفین اب اپنے اسٹیٹس اپ ڈیٹس کو تیز اور بلا رکاوٹ پوسٹ کر سکیں گے۔

واٹس ایپ کی یہ اپ ڈیٹ ایپ سٹور پر ورژن 25.22.83 میں دستیاب ہے، جس میں “My Status” کا شارٹ کٹ شامل کیا گیا ہے۔ اب صارفین ایپ کھولے بغیر ہی تصاویر یا ویڈیوز کو اسٹیٹس پر شیئر کر سکتے ہیں۔

قبل ازیں، اسٹیٹس اپ ڈیٹ کرنے کے لیے کئی مراحل طے کرنا پڑتے تھے، لیکن اب شیئر مینو سے “My Status” بٹن منتخب کر کے صارفین فوری طور پر اپنا منتخب شدہ میڈیا اسٹیٹس ایڈیٹر میں بھیج سکتے ہیں۔

یہ فیچر خاص طور پر اس وقت مفید ہے جب کوئی صارف کسی دوسرے ایپ میں تصویر یا ویڈیو بنائے اور اسے فوری طور پر اسٹیٹس پر شیئر کرنا چاہے، کیونکہ اب اس کے لیے کسی رکاوٹ یا اضافی قدم کی ضرورت نہیں۔

فی الحال یہ نیا فیچر کچھ آئی فون صارفین کے لیے دستیاب ہے، لیکن باقی صارفین اسے آنے والے ہفتوں میں نئی اپ ڈیٹ کے ساتھ حاصل کر لیں گے۔