رپورٹ محمد عاشق پٹھان
پاکستان پیپلز پارٹی کے چیئرمین بلاول بھٹو زرداری نے نوڈیرو پیپلز اسپورٹس اسٹیڈیم میں صاف ستھرا لاڑکانہ و روزگار اسکیم پروگرام سے خطاب کرتے ہوئے کہا کہ 20 لاکھ گھروں پر مشتمل پیپلز ہاؤسنگ اسکیم پاکستان ہی نہیں بلکہ دنیا کی سب سے بڑی خواتین کے لیے مکان بنانے کی اسکیم ہے، انہوں نے کہا کہ نوڈیرو اور رتودیرو میں گھروں کی تکمیل کے بعد خواتین کو مالکانہ حقوق دیے جا چکے ہیں جبکہ ان منصوبوں سے ایک لاکھ سے زائد روزگار کے مواقع بھی پیدا ہوئے، بلاول بھٹو نے خواہش ظاہر کی کہ یہ منصوبہ اگلے ایک دو سال میں مکمل ہو جائے، چیئرمین پیپلز پارٹی نے کہا کہ بلدیاتی نمائندے اپنی سیونگ سے صاف ستھرا لاڑکانہ و روزگار اسکیم پروگرام شروع کرنے پر مبارکباد کے مستحق ہیں اور دیگر نمائندوں کو بھی چاہیے کہ معاشی معاملات بہتر انداز میں چلائیں،
انہوں نے اعلان کیا کہ اچھی کارکردگی دکھانے والے بلدیاتی نمائندوں کو مزید سہولیات فراہم کی جائیں گی، خطاب میں بلاول بھٹو نے اراکین اسمبلی کو ہدایت دی کہ عوامی مشاورت کے ساتھ ترقیاتی بجٹ خرچ کریں اور پانی کے مسائل کے حل پر توجہ دیں، انہوں نے رتودیرو واٹر سپلائی سسٹم اور قمبر شہدادکوٹ کے نکاسی و فراہمی آب کے نظام کو اپ گریڈ کرنے کی ہدایات جاری کیں، بلاول بھٹو نے کہا کہ وفاقی حکومت کے تعاون کے بغیر گھروں کا منصوبہ ممکن نہ تھا،
“چند پالیسی اختلافات کے باوجود پیپلز پارٹی وفاقی حکومت کے ساتھ ہے، انہوں نے سندھ اور بلوچستان کے وزرائے اعلیٰ کی تعریف کرتے ہوئے کہا کہ انہوں نے این ایف سی، پانی اور کینال اشوز سمیت ہر فورم پر صوبوں کا مقدمہ بہترین انداز میں لڑا، چیئرمین پیپلز پارٹی نے کہا کہ عوام ان کا اثاثہ اور طاقت ہیں اور انہی کی سپورٹ کے ساتھ دنیا بھر میں پاکستان کی نمائندگی کی، آخر میں انہوں نے اعلان کیا کہ انہیں ملنے والا نشان امتیاز وہ لاڑکانہ کی عوام کے نام کرتے ہیں
https://www.youtube.com/watch?v=5uur1wv4yi
