رپورٹ رانا رضوان خاں بیورو چیف فرینکفرٹ جرمنی۔
پاک جرمن انٹیگریشن اینڈ کلچر سوسائٹی کے زیر اہتمام جرمنی کے شہر فرینکفرٹ میں جشن آزادی کے سلسلے میں ایک رنگا رنگ پروگرام منعقد ہوا
وطن کی محبت سے سرشار سمندرپار پاکستانی، آزادی پاکستان کا دن بھی عید کی طرح مناتے ہیں۔ پاک جرمن انٹیگریشن اینڈ کلچر سوسائٹی کے زیر اہتمام جرمنی کے شہر فرینکفرٹ میں جشن آزادی کے سلسلے میں ایک رنگا رنگ پروگرام منعقد ہوا۔ لوگوں کی ایک کثیر تعداد نے شرکت کی۔ معروف پاکستانی سنگر ریشماں کی صاحبزادی “روبی ریشماں” نے خصوصی شرکت کی۔ فضا دل دل پاکستان سے گونج اُٹھی
اس موقع پر پاکستان کی 78 ویں سالگرہ کا کیک بھی کاٹا گیا۔ پروگرام کی نظامت کے فرائض اظہر کیانی ، زاہد چوہدری اور ماہم بلوچ نے نہایت خوبصورت انداز میں سرانجام دیے۔
مجموعی طور پر پروگرام میں بچے چھائے رہے۔بچوں کے ایک گروپ نے مشہور نظم “لب پہ آتی ہے دعابن کے تمنا میری” پر شاندار ٹیبلو پیش کیا جس پر حاضرین نے کھڑے ہوکر داد دی۔ الکرم گروپ کے بچوں نے دل دل پاکستان کے مشہور و معروف نغمے پر پرفارمنس دی جس پر سبھی جھومتے نظر آئے۔
خواتین نے میوزیکل چئیر گیم میں حصہ لیا اور جیتنے والی خاتون کو انعام سے نوازا گیا۔ اس کے ساتھ ساتھ پاکستان کے ٹیلنٹ ، صحافیوں اور مختلف شعبوں میں نام روشن کرنے والوں کو اعزازی شیلڈزسے نوازا گیا۔ لوگوں نے شوقیہ گائیکی کے سیگمنٹ میں اپنے ہنر آزمائے۔ اس پروگرام کی ایک خاص بات یہ رہی کہ قرعہ اندازی کے ذریعے چار خوش نصیبوں کو عمرے کے ٹکٹس دیے گئے
پاکستان کی معروف گلوکارہ ریشماں کی صاحبزادی “روبی ریشماں” نے لمبی جدائی ، ہائے او ربا نہی لگدا دل میرا جیسے شہرہ آفاق گانوں سے اپنی آواز کا جادو جگایا جبکہ بعض گانوں پر منچلے بھنگڑا ڈالتے نظر آئے۔
پروگرام کے آخر میں پاک انٹیکریشن اینڈ کلچر سوسائٹی کی پوری ٹیم راجا اظبركيانی ، جويدرى احسان ندير ، زاہد چوہدری ، راجه ناصرامير ، چوہدری ناصرنوابی اور راجه ارشدخان جانب سے حاضرین کا شکریہ ادا کیا جبکہ حاضرین کا کہنا تھا کہ امید ہے آئیندہ بھی ایسے پروگرامز منعقد ہوتے رہیں گے اور لوگ ایک دوسرے کے ساتھ خوشیاں بانٹتے رہیں گے، یوں رات گئے یہ تقریب اختتام پزیر ہوئی مگر دلوں پہ انمٹ نقوش چھوڑ گئ۔
https://www.youtube.com/watch?v=5uur1wv4yi
