پاکستان کے سپر اسٹار فواد خان اور بھارتی اداکارہ وانی کپور کی رومانوی فلم “عبیر گلال” نے آخر کار بین الاقوامی ریلیز کے لیے ایک نئی تاریخ طے کر لی ہے۔
یہ فلم آرتی ایس باگدی کی ہدایت کاری میں اور وویک بی اگروال کی پروڈکشن میں تیار کی گئی ہے اور 12 ستمبر 2025 سے دنیا کے 75 ممالک میں 1000 سے زیادہ اسکرینز پر نمائش کے لیے پیش کی جائے گی۔
ابتدائی طور پر یہ فلم 29 اگست کو ریلیز ہونے والی تھی، لیکن بھارت اور پاکستان کے درمیان کشیدگی کی وجہ سے اس کی نمائش روک دی گئی تھی۔ تاہم اب یہ فلم بھارت کے علاوہ باقی دنیا میں نمائش کے لیے تیار ہے۔
فلم کے پروڈیوسرز کا کہنا ہے کہ بھارت میں ریلیز نہ ہونے کے باوجود “عبیر گلال” عالمی سطح پر کامیابی اور اچھا منافع حاصل کرے گی۔ پاکستان میں فلم 29 اگست کو ریلیز ہوگی، جس کے مداح بے صبری سے انتظار کر رہے ہیں۔
فلم کے موسیقی کمپوزر امیت ترویدی ہیں، اور اس کی چند گانے ریلیز سے پہلے ہی شائقین میں کافی مقبول ہو چکے ہیں، جو فلم کی ہائیپ بڑھانے میں اہم کردار ادا کر رہے ہیں۔
