نبیل قریشی نے سوشل میڈیا پر ببرک شاہ کے ایک مختصر وائرل کلپ شیئر کیا، جس میں ببرک شاہ نے فہد مصطفیٰ کو اداکار کے بجائے ایک بہترین میزبان قرار دیا تھا۔
بتایا گیا کہ ببرک شاہ نے فہد مصطفیٰ کی اداکاری پر تبصرہ کرتے ہوئے کہا کہ وہ فلموں کے لیے نہیں بنے، حتیٰ کہ ڈراموں میں بھی ان کی اداکاری محدود ہے، لیکن وہ میزبانی میں بہت ماہر ہیں۔ انہوں نے فہد کا موازنہ طارق عزیز سے کرتے ہوئے کہا کہ آج فہد مصطفیٰ وہی مقام رکھتے ہیں جو طارق عزیز نے حاصل کیا۔
یہ کلپ وائرل ہوتے ہی نبیل قریشی کی توجہ کا مرکز بن گیا، اور انہوں نے مزاحیہ انداز میں تبصرہ کرتے ہوئے فہد مصطفیٰ کو اداکاری سیکھنے کا مشورہ دیا اور کہا، “یار، اداکاری کب سیکھو گے؟”
