آرمی چیف نے برسلز میں تحریک انصاف اور بانی پی ٹی آئی کا کوئی ذکر نہیں کیا، ڈی جی آئی ایس پی آر

آرمی چیف نے برسلز میں تحریک انصاف اور بانی پی ٹی آئی کا کوئی ذکر نہیں کیا، ڈی جی آئی ایس پی آر

پاک فوج کے ترجمان ڈی جی آئی ایس پی آر لیفٹیننٹ جنرل احمد شریف چوہدری کی جانب سے بیان میں کہا گیا کہ آرمی چیف جنرل عاصم منیر کی جانب سے برسلز میں کسی قسم کا انٹرویو نہیں دیا گیا اور نہ ہی آرمی چیف نے تحریک انصاف اوربانی پی ٹی آئی کا کوئی ذکر کیا۔

=============

====================

ڈی جی آئی ایس پی آر نے کہا کہ سینئر صحافی سہیل وڑائچ نے ذاتی فائدے کے لیے من گھڑت کہانی گھڑی، برسلز میں سہیل وڑائچ نے سیکڑوں لوگوں کے ساتھ آرمی چیف کی تقریب میں شرکت کی، ان کی خبرچھاپنے سے پہلےان کے ادارے کوبھی ذمہ داری کاثبوت دینا چاہئے۔

===========

=========

صحافی کے سوال پر انہوں نے کہا کہ جس ادارے نے یہ انٹرویو چھاپا کیا اس کے خلاف کارروائی ہوگی اور واضح الفاظ میں کہا اداروں کو سمجھداری کا مظاہرہ کرنا چاہئے اور میڈیا کوسمجھنا چاہئے یہ مناسب نہیں۔

======================

Please visit more news www.jeeveypakistan.com

==========

انہوں نے واضح کیا کہ فوج کا 9 مئی کے واقعات پر مؤقف پہلے دن سے ایک ہی ہے، اس میں ملوث ہر کردار کو قانون کا سامنا کرنا ہوگا۔

ترجمان پاک فوج کا کہنا تھا کہ سہیل وڑائچ کے جس آرٹیکل کی بات ہو رہی ہے وہ برسلز کا ایونٹ تھا اوروہاں سیکڑوں لوگوں نے تصویر بنوائی تاہم پی ٹی آئی کا کوئی ذکر نہیں ہوا نہ ہی معافی کا ذکر ہوا۔