محکمہ موسمیات کے مطابق اسلام آباد اور دیگر علاقوں میں گرج چمک کے ساتھ بارش کا امکان ہے۔ وسطی و زیریں سندھ اور جنوبی بلوچستان میں اکثر مقامات پر تیز ہواؤں کے ساتھ بارش متوقع ہے، جب کہ کچھ جگہوں پر شدید موسلادھار بارش بھی ہو سکتی ہے۔
خیبر پختونخوا، شمال مشرقی اور جنوبی پنجاب، پوٹھوہار، اسلام آباد، کشمیر اور بالائی سندھ میں مطلع جزوی ابر آلود رہے گا اور چند مقامات پر تیز ہواؤں اور گرج چمک کے ساتھ بارش متوقع ہے۔
اسلام آباد اور گرد و نواح: چند مقامات پر گرج چمک کے ساتھ بارش کا امکان ہے۔
مری، گلیات، راولپنڈی، لاہور، جہلم، اٹک، چکوال، حافظ آباد، سیالکوٹ، وزیر آباد، سرگودھا، خوشاب، بھکر، میانوالی، قصور، گجرات، گوجرانوالہ، منڈی بہاالدین، اوکاڑہ، نارووال، بہاولنگر، ڈیرہ غازی خان، رحیم یارخان، بہاولپور، صادق آباد: یہاں تیز ہوائیں اور گرج چمک کے ساتھ بارش کا امکان ہے۔
ایبٹ آباد، دیر، سوات، کوہستان، شانگلہ، بٹگرام، مانسہرہ، ہری پور، پشاور، صوابی، نوشہرہ، کوہاٹ، کرک، بنوں، ڈیرہ اسماعیل خان، وزیرستان، لکی مروت، بونیر: ان علاقوں میں بھی بارش متوقع ہے۔
سندھ: کراچی، حیدرآباد، شہید بینظیر آباد، مٹھی، تھرپارکر، عمرکوٹ، میرپورخاص، ٹھٹھہ، بدین، سجاول، ٹنڈو اللہ یار، ٹنڈو محمد خان، سانگھڑ، جامشورو، دادو، سکھر، گھوٹکی، نوشہروفیروز، لاڑکانہ، خیرپور، جیکب آباد میں بارش کا امکان ہے۔
بلوچستان: آواران، خاران، لسبیلہ، اورماڑہ، پسنی، گوادر، کیچ، پنجگور، خضدار، قلات، ژوب، بارکھان، سبی، کوئٹہ، زیارت میں بارش متوقع ہے۔
آزاد کشمیر: چند مقامات پر گرج چمک کے ساتھ بارش کی توقع ہے۔
گلگت بلتستان: موسم خشک رہے گا اور آسمان جزوی ابر آلود رہنے کا امکان ہے۔
