ناسا نے سورج کی سرگرمیوں کی نگرانی کے لیے اے آئی ماڈل Surya متعارف کروا دیا
ناسا نے حال ہی میں سورج کی حرکات اور سرگرمیوں کی نگرانی کے لیے مستقل بنیادوں پر اے آئی ٹیکنالوجی کا استعمال شروع کر دیا ہے۔
یہ نیا اے آئی ماڈل Surya کہلاتا ہے، جسے ناسا اور آئی بی ایم نے مشترکہ طور پر ایک جدید اے آئی فاؤنڈیشن ماڈل کے طور پر تیار کیا ہے۔
ماڈل کا نام Surya سنسکرت کے لفظ سے لیا گیا ہے، جس کا مطلب ہے “سورج”۔
یہ ماڈل شمسی طوفانوں اور سولر فلیئرز کی پیشگوئی میں نمایاں بہتری لانے کے لیے ڈیزائن کیا گیا ہے۔ Surya کو ناسا کے سولر ڈائنامک آبزرویٹری کے نو سال سے زائد مسلسل ریکارڈ کیے گئے ڈیٹا پر تربیت دی گئی ہے۔
Surya سولر فلیئرز کو حتمی مشاہدے سے تقریباً دو گھنٹے پہلے بصری انداز میں پیشگوئی کر سکتا ہے، جو روایتی طریقوں کی نسبت تقریباً 16٪ زیادہ درست ہے۔
سولر طوفان زمین پر سیٹلائٹس، جی پی ایس، مواصلاتی نظام، توانائی کے نیٹ ورک اور خلائی مشنز کے لیے خطرہ بن سکتے ہیں۔ Surya کے ذریعے ان خطرات سے پہلے ہی متنبہ کر کے حفاظتی اقدامات کیے جا سکتے ہیں۔
یہ ایک طویل المدت عملی منصوبہ ہے کیونکہ ماڈل مسلسل نئے ڈیٹا سے تربیت پاتا رہے گا۔
