یش راج فلمز کی مشہور اسپائی یونیورس کو ہمیشہ بالی ووڈ کی کامیاب فرنچائز میں شمار کیا جاتا رہا ہے، لیکن ان کی تازہ ترین فلم وار 2 نے باکس آفس پر توقعات کے برعکس انتہائی مایوس کن پرفارمنس دکھائی ہے۔
پچھلی اسپائی یونیورس فلموں جیسے پٹھان اور ٹائیگر زندہ ہے نے شاندار کامیابی حاصل کی تھی، تاہم وار 2 اس فرنچائز کی وہ فلم بن گئی جو سب سے کم کمانے والی فلم کے طور پر سامنے آئی ہے۔
ماہرین کے مطابق وار 2 پچھلی فلموں کے معیار پر پورا نہیں اتری اور اسے ایک اوسط درجے کی فلم قرار دیا جا رہا ہے۔ فرنچائز نے بالی ووڈ کو کئی کامیاب فلمیں دیں اور اس کی شہرت کی بنیاد رکھی، مگر وار 2 نے اس معیار کو برقرار نہیں رکھا۔
اعداد و شمار کے مطابق، پچھلی فلموں نے باکس آفس پر زبردست کمائی کی:
پٹھان: 543.05 کروڑ
ٹائیگر زندہ ہے: 339.16 کروڑ
وار: 318.01 کروڑ
ٹائیگر 3: 285.52 کروڑ
ایک تھا ٹائیگر: 198.78 کروڑ
لیکن وار 2 کے ساتھ ایسا نہ ہو سکا؛ تقریباً 450 کروڑ کے بجٹ سے بنائی گئی فلم نے اب تک صرف 175 کروڑ روپے کی کمائی کی ہے، اور ناقدین کا کہنا ہے کہ یہ فلم اپنے بجٹ کے برابر بھی منافع نہیں کما پائے گی۔
