اوپن اے آئی نے طلبہ کو اسائنمنٹس میں چیٹ جی پی ٹی کے استعمال سے روکنے کے لیے ایک نیا ٹول متعارف کروا دیا ہے۔
ٹیکنالوجی ویب سائٹس کے مطابق اس ٹول میں چیٹ جی پی ٹی سے لکھی گئی تحریر کو شناخت کرنے کے لیے ٹیکسٹ واٹرمارکنگ پر کام کیا جا رہا ہے۔
کمپنی کے ترجمان کے مطابق اس نئے طریقہ کار میں صرف چیٹ جی پی ٹی کی تحریر کی نشاندہی ممکن ہوگی، اور اس کے لیے الفاظ کے انتخاب میں معمولی تبدیلی کی جائے گی تاکہ ایک غیر مرئی (انویزیبل) واٹرمارک بنائی جا سکے۔
ترجمان نے بتایا کہ اگر تحریر کو ترجمہ کیا جائے، دوبارہ لکھوایا جائے یا کسی دوسرے اے آئی ماڈل کے ذریعے بدلا جائے تو یہ طریقہ ناکام ہو سکتا ہے، اور یہ غیر انگریزی بولنے والے افراد پر غیر ضروری اثر ڈال سکتا ہے۔ تاہم کمپنی یہ فیصلہ کرنے پر غور کر رہی ہے کہ آیا یہ نیا ٹول عام صارفین کے لیے بھی دستیاب کیا جائے یا نہیں۔
