گلگت بلتستان کے مختلف اضلاع میں طوفانی بارشوں اور کلاؤڈ برسٹ کے نتیجے میں سیلاب اور لینڈ سلائیڈنگ سے ہونے والے نقصان کے بعد پاک فوج کے انجینئر کور سڑکوں کی بحالی کے لیے کام کر رہے ہیں۔
لینڈ سلائیڈنگ کی وجہ سے بند ہونے والی سڑکوں میں شارع قراقرم، استک پل اور جگلوٹ سے اسکردو جانے والی روڈ شامل ہیں، جنہیں ٹریفک کے لیے دوبارہ کھول دیا گیا ہے۔
اس کے علاوہ اسلام آباد سے گلگت جانے والی بابو سر ٹاپ شاہراہ، دیوسائی روڈ، استور اور چین تک پہنچنے والی ہنزہ روڈ بھی کھول دی گئی ہے، تاکہ عوام کو آمدورفت کی سہولت فراہم کی جا سکے۔
پاک فوج کے انجینئر کور اور ایف ڈبلیو او کے عملے کی ٹیمیں لینڈ سلائیڈنگ سے بند سڑکوں کی بحالی کے کام میں دن رات مصروف ہیں۔
