نائجیریا میں ایک کشتی الٹنے کے واقعے میں 40 سے زائد افراد لاپتہ ہو گئے۔
غیر ملکی میڈیا کے مطابق یہ حادثہ شمال مغربی ریاست سکوٹو میں پیش آیا، اور کشتی پر 50 سے زائد مسافر سوار تھے۔
نائجیریا کی نیشنل ایمرجنسی مینجمنٹ ایجنسی (NEMA) نے سوشل میڈیا پر بیان جاری کرتے ہوئے بتایا کہ کشتی کے 10 مسافروں کو بحفاظت نکال لیا گیا ہے۔
میڈیا رپورٹس کے مطابق حادثے کی بنیادی وجہ کشتی میں مسافروں کی زیادہ تعداد تھی، جو اس کی گنجائش سے تجاوز کر گئی تھی۔
