لاڑکانہ(بیورورپورٹ)
لاڑکانہ کی سہیل کالونی میں گارڈن پبلک اسکول میں الزہرہ فاؤنڈیشن پاکستان کی زیر نگرانی 14 اگست جشنِ آزادی معرکۂ حق کے سلسلے میں شاندار تقریب منعقد کی گئی جس میں مہمانِ خصوصی کے طور پر ڈری ٹاؤن چیئرمین شارخ خان سیال نے شرکت کی، تقریب میں الزہرہ فاؤنڈیشن کے چیئرمین صدرالدین شیخ، جنرل سیکریٹری احمر شیخ، رہنما پرویز احمد شیخ، آفاق احمد شیخ، آصف راٹھور اور اسکول کی انتظامیہ، اساتذہ، طلبہ و طالبات کی بڑی تعداد نے شرکت کی، تقریب میں طلبہ و طالبات کی جانب سے جشنِ آزادی کی اہمیت پر تقاریر سمیت قومی نغموں پر ٹیبلو پیش کئے گئے جنہیں انعامات بھی دیے گئے، اس موقع پر جنرل سیکریٹری احمر شیخ نے میڈیا سے گفتگو کرتے ہوئے اعلان کیا کہ گارڈن پبلک اسکول کی پوری مینجمنٹ داخلہ ماہانہ اور امتحانی فیس کے اخراجات الزہرہ فاؤنڈیشن پاکستان ادا کرے گی،
احمر شیخ نے کہا کہ ہمارا عزم ہے “تعلیم پھیلاؤ، ملک سنوارو” تقریب سے خطاب کرتے ہوئے مہمانِ خصوصی ڈری ٹاؤن چیئرمین شارخ خان سیال نے کہا کہ پاکستان ایک نعمت ہے جس کی قدر کرنی چاہیے، انہوں نے الزہرہ فاؤنڈیشن کو مبارکباد دیتے ہوئے کہا کہ تعلیم کے میدان میں ان کی کاوشوں سے وہ بچے جو تعلیم کا خرچ برداشت نہیں کر سکتے الزہرہ کی تعلیمی خدمت سے تعلیم حاصل کرکے مستقبل میں کامیاب ہو سکیں گے، اس موقع پر 14 اگست کی خوشی میں کیک بھی کاٹا گیا۔
https://www.youtube.com/watch?v=5uur1wv4yi
