پنجاب کی صوبائی ڈیزاسٹر مینجمنٹ اتھارٹی (پی ڈی ایم اے) نے مون سون سیلاب سے متعلق فیکٹ شیٹ جاری کی ہے۔
ترجمان پی ڈی ایم اے کے مطابق اگلے 24 گھنٹوں میں شدید بارشوں کا امکان ہے، بالائی پنجاب میں طوفانی بارشوں اور کلاؤڈ برسٹنگ کے خطرات موجود ہیں۔ پی ڈی ایم اے نے بتایا کہ مون سون کی ساتویں لہر سب سے زیادہ شدید متوقع ہے اور اس دوران طوفانی بارشیں ہو سکتی ہیں۔
دوسری جانب خیبرپختونخوا میں مون سون بارشوں اور سیلاب کے نتیجے میں ہلاکتوں کی تعداد 321 تک پہنچ گئی ہے۔ بونیر میں گزشتہ روز آنے والے سیلابی ریلا نے ہر طرف تباہی مچا دی، جہاں خالی اور نقصان زدہ مکانات کے ملبے بکھرے ہیں اور بڑے بڑے پتھر اب بھی مختلف مقامات پر موجود ہیں۔
متاثرہ علاقوں میں پی ڈی ایم اے، پاک فوج، ضلعی انتظامیہ اور مقامی رضاکار امدادی کارروائیوں میں مصروف ہیں۔ سیلاب میں جاں بحق افراد کی اجتماعی نمازِ جنازہ بھی ادا کی جا چکی ہے۔
