ڈنمارک کے جنوبی قصبے ٹینگلیو میں کار اور ٹرین کے تصادم کے نتیجے میں ایک شخص جان سے گیا جبکہ 20 افراد زخمی ہوگئے۔
غیر ملکی ذرائع ابلاغ کے مطابق، حادثہ اس وقت پیش آیا جب ایک کار ریلوے کراسنگ پر موجود تھی اور گزرتی ہوئی ٹرین اس سے ٹکرا گئی۔ ڈنمارک کے ریل نیٹ ورک کے منتظم ادارے “بن ڈنمارک” نے اپنے بیان میں بتایا کہ واقعہ ریلوے کراسنگ پر پیش آیا، تاہم اس کی وجوہات تاحال سامنے نہیں آ سکیں۔
تحقیقی حکام کا کہنا ہے کہ ابھی یہ واضح نہیں کہ حادثہ کس وجہ سے ہوا، لیکن ابتدائی اندازوں کے مطابق ایسا محسوس ہوتا ہے کہ ٹرین پٹری سے اتر گئی تھی۔
