رپورٹ محمد عاشق پٹھان لاڑکانہ پریس کلب کی جانب سے 14 اگست جشنِ آزادی کے سلسلے میں تقریب منعقد کی گئی، جس میں مہمانِ خصوصی پیپلز پارٹی کے چیئرمین بلاول بھٹو زرداری کے پولیٹیکل سیکریٹری و ایم پی اے لاڑکانہ جمیل احمد سومرو، سابق صوبائی وزیرِ داخلہ و ایم پی اے سہیل انور سیال، چیئرمین ڈسٹرکٹ کونسل لاڑکانہ اعجاز احمد لغاری، وائس چیئرمین صدر اسد اللہ بھٹو، وزیرِاعلیٰ کے معاونِ خصوصی اور پیپلز پارٹی سٹی لاڑکانہ کے صدر خیر محمد شیخ، چیئرمین دڑی ٹاؤن شاہ رخ انور سیال، ڈی آئی جی لاڑکانہ ناصر آفتاب پٹھان، ایس ایس پی احمد فیصل چوہدری، سابق ڈی آئی جی ریاض احمد سومرو، لاڑکانہ پریس کلب کے صدر نوید لاڑک، نائب صدر مرتضیٰ کلہوڑو، جنرل سیکریٹری عبدالقادر جاگیرانی، جوائنٹ سیکریٹری سلامت ابڑو، خزانچی منصور عباس ابڑو،
محمد عاشق پٹھان سمیت دیگر صحافیوں نے بڑی تعداد میں شرکت کی، شرکاء نے مل کر جشنِ آزادی کا کیک کاٹا اور ملکی سلامتی و خوشحالی کے لیے خصوصی دعا کی، تقریب سے خطاب کرتے ہوئے ایم پی اے جمیل احمد سومرو، ایم پی اے سہیل انور سیال اور دیگر نے کہا کہ ملک کے بانی قائداعظم محمد علی جناح اور دیگر بزرگوں کی انتھک جدوجہد اور محنت کے نتیجے میں 14 اگست 1947ء کو پاکستان وجود میں آیا، ہم خوش نصیب ہیں کہ ایک آزاد ملک کے شہری ہیں، کیونکہ زندہ قومیں
ہی اپنی آزادی کا جشن مناتی ہیں، انہوں نے کہا کہ ہم ملک کی ترقی، خوشحالی، سلامتی اور حفاظت کے لیے اپنی پاک فوج اور اداروں کے ساتھ تھے اور ہیں، کیونکہ یہ ملک ہمیں عظیم قربانیوں کے بعد تحفے میں ملا ہے، جس کی ترقی کے لیے ہم سب کو مل کر کام کرنا ہوگا۔
